ಪುತ್ತೂರು:ಆರ್ಯಾಪು ಗ್ರಾಮದ ಕುಂಜೂರು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಎ.28ರಂದು ನಡೆಯುವ ಪ್ರತಿಷ್ಠಾ ವರ್ಧಂತಿ ಹಾಗೂ ಮೇ.1 ಮತ್ತು 2ರಂದು ನಡೆಯಲಿರುವ ವರ್ಷಾವಧಿ ಜಾತ್ರೋತ್ಸವದ ಆಮಂತ್ರಣ ಪತ್ರಿಕೆಯು ಮಾ.22ರಂದು ಬಿಡುಗಡೆಗೊಂಡಿತು.
ಶ್ರೀದೇವಿಗೆ ಪೂಜೆ, ಪ್ರಾರ್ಥನೆ ಸಲ್ಲಿಸಿದ ಬಳಿಕ ಆಮಂತ್ರಣ ಪತ್ರಿಕೆ ಬಿಡುಗಡೆಗೊಳಿಸಲಾಯಿತು. ದೇವಸ್ಥಾನದ ಆಡಳಿತಾಧಿಕಾರಿ ಉಪತಹಶೀಲ್ದಾರ್ ರಾಮಣ್ಣ ನಾಯ್ಕ, ವ್ಯವಸ್ಥಾಪನಾ ಸಮಿತಿ ಮಾಜಿ ಅಧ್ಯಕ್ಷ ಪ್ರದೀಪಕೃಷ್ಣ ಬಂಗಾರಡ್ಕ, ಅರ್ಚಕ ಸದಾನಂದ ರವಿ, ಕೇಶವ ಭಟ್, ಮಾಜಿ ಸದಸ್ಯರಾದ ಚಂದಪ್ಪ ಪೂಜಾರಿ, ವಿಶ್ವನಾಥ ಕುಲಾಲ್, ನವೀನ್ ಕುಮಾರ್ ಜಿ.ಟಿ., ಲೀಲಾವತಿ ನಾರಾಯಣ ಗೌಡ, ಉಮಾವತಿ ಪುರಂದರ ರೈ ಪ್ರಮುಖರಾದ ರಾಧಾಕೃಷ್ಣ ಕಲ್ಲೂರಾಯ, ಪ್ರಮೋದ್ ಸಾಲ್ಯಾನ್ ಬೊಳ್ಳಾಣ, ವೇಣುಗೋಪಾಲ ಶೆಟ್ಟಿ ಸಂಪ್ಯ, ಅಶೋಕ್ ಕುಂಜೂರು, ಭರತ್ ಕುಲಾಲ್ ಬೊಳ್ಳಾಣ, ಸುರೇಶ್ ಗೌಡ, ಬಾಬು ಗೌಡ, ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ, ವಿಶ್ವ ಯುವಕ ಮಂಡಲ ಕುಂಜೂರು, ಶ್ರೀದುರ್ಗಾ ಫ್ರೆಂಡ್ಸ್ ಮಚ್ಚಿಮಲೆ ಇದರ ಸದಸ್ಯರು ಸೇರಿದಂತೆ ಹಲವು ಮಂದಿ ಭಕ್ತಾದಿಗಳು ಉಪಸ್ಥಿತರಿದ್ದರು.
