ಕಾಣಿಯೂರು: ಕೊಡಿಯಾಲ ಕಲ್ಪಡ ಶ್ರೀ ಉಳ್ಳಾಕುಲು ಮೂಲಸ್ಥಾನದಲ್ಲಿ ನಾಗತಂಬಿಲ, ಆಶ್ಲೇಷ ಬಲಿ ಮತ್ತು ಶ್ರೀ ಉಳ್ಳಾಕುಲು, ಚಾಮುಂಡಿ ಮತ್ತು ಪರಿವಾರ ದೈವಗಳ ನೇಮೋತ್ಸವವು ಜ.14, 15ರಂದು ನಡೆಯಲಿದ್ದು, ಕಾರ್ಯಕ್ರಮದ ಆಮಂತ್ರಣ ಪತ್ರಿಕೆಯನ್ನು ಅನಾವರಣಗೊಳಿಸಲಾಯಿತು.
ಈ ಸಂದರ್ಭದಲ್ಲಿ ಮೋಕ್ತೇಸರರಾದ ಶಿವರಾಮ ಉಪಾಧ್ಯಾಯ ಕಲ್ಪಡ, ಅಧ್ಯಕ್ಷರಾದ ಸುಬ್ರಹ್ಮಣ್ಯ ಕೆ.ಎಂ., ಕೊಡಿಯಾಲ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಹರ್ಷನ್ ಕೆ.ಟಿ., ಯುವರಾಜ, ಕೇಶವ ತೋಟ, ಬಾಲಕೃಷ್ಣ ಗೌಡ ಪೋಳಾಜೆ, ಧರ್ಮಪಾಲ, ಭಾಸ್ಕರ ಗುತ್ತು, ಲೋಕೇಶ್ ತಾಳಿತ್ತಡಿ, ನಾಗರಾಜ ಕಣಿಲೆಗುಂಡಿ, ಸುಂದರ ಗೌಡ ಪೋಳಾಜೆ, ಪ್ರಸಾದ್ ಕಲ್ಪಡ, ಪದ್ಮನಾಭ ಗುತ್ತು ಉಪಸ್ಥಿತರಿದ್ದರು.
ಜ.13ರಂದು ಕಾಣಿಯೂರು ಶ್ರೀ ರಾಮತೀರ್ಥ ಮಠದ ಶ್ರೀ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿ ರವರು ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದಾರೆ. ಜ.14ರಂದು ಆಶ್ಲೇಷ ಬಲಿ , ನಾಗತಂಬಿಲ ಮತ್ತು ಜ.15ರಂದು ಶ್ರೀ ಉಳ್ಳಾಕುಲು, ಚಾಮುಂಡಿ ಮತ್ತು ಪರಿವಾರ ದೈವಗಳ ನೇಮೋತ್ಸವ ಜರುಗಲಿದೆ ಎಂದು ಸಮಿತಿ ಪದಾಧಿಕಾರಿಗಳು ತಿಳಿಸಿದ್ದಾರೆ.
