ಪುತ್ತೂರು: ಬಿರುಮಲೆ ಬೆಟ್ಟ ಅಭಿವೃದ್ಧಿ ಯೋಜನೆ ಸಮಿತಿ ಪುತ್ತೂರು ಇದರ ಆಶ್ರಯದಲ್ಲಿ ಹಾಗೂ ಪೊರ್ಲು ಇವೆಂಟ್ಸ್, ಜೆಸಿಐ ಪುತ್ತೂರು, ಮಾರ್ಕ್ ಟೆಲಿಕಾಂ, ಅಕ್ಷಯ ಕಾಲೇಜು, ರೋಟರಿ ಕ್ಲಬ್ ಪುತ್ತೂರು ಬಿರುಮಲೆ ಹಿಲ್ ಇವರ ಸಹಕಾರದೊಂದಿಗೆ ಫೆ.2 ರಂದು ಬಿರುಮಲೆ ಬೆಟ್ಟದಲ್ಲಿ ನಡೆಯುವ ಬಿರುಮಲೋತ್ಸವ ಕಾರ್ಯಕ್ರಮದ ಪೂರ್ವಭಾವಿ ಸಭೆ ನಡೆಯಿತು.
ಬಿರುಮಲೆ ಬೆಟ್ಟ ಅಭಿವೃದ್ಧಿ ಸಮಿತಿಯ ಅಧ್ಯಕ್ಷ ಎ.ಜೆ ರೈ ಸ್ವಾಗತಿಸಿ ಮಾತನಾಡಿ, ಕಳೆದ ಕೆಲವು ವರ್ಷಗಳಿಂದ ಬಿರುಮಲೆ ಬೆಟ್ಟದಲ್ಲಿ ಸರ್ವರ ಸಹಕಾರದೊಂದಿಗೆ ಬಿರುಮಲೋತ್ಸವ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಆಯೋಜಿಸುತ್ತಾ ಬಂದಿದೆ. ಝೀ ಕನ್ನಡ ಸರಿಗಮಪದ ಸಮನ್ವಿ ರೈ ಮದಕ ಹಾಗೂ ಇತರ ಗಾಯಕರಿಂದ ಹಾಡುಗಳು, ಡ್ಯಾನ್ಸ್, ಅಕ್ಷಯ ಕಾಲೇಜು ಫ್ಯಾಷನ್ ಶೋ ಇತ್ಯಾದಿ ಮನಸೂರೆಗಳ್ಳಲಿದ್ದು, ಜೊತೆಗೆ 15 ಫುಡ್ ಸ್ಟಾಲ್ ಗಳು ಕೂಡ ಇರಲಿದೆ. ಗಾಳಿಪಟ ಸ್ಪರ್ಧೆಯನ್ನು ಸಂತೋಷ್ ಶೆಟ್ಟಿ ಸಾಜರವರು ನಡೆಸಿಕೊಡಲಿದ್ದಾರೆ. ಹೆಚ್ಚಿನ ಸಂಖ್ಯೆಯಲ್ಲಿ ಪ್ರೇಕ್ಷಕರು ಆಗಮಿಸಿ ಬಿರುಮಲೋತ್ಸವ ಕಾರ್ಯಕ್ರಮವನ್ನು ಯಶಸ್ವಿಯಾಗಿಸಬೇಕು ಎಂದರು.
ಈ ಸಂದರ್ಭದಲ್ಲಿ ಬಿರುಮಲೆ ಬೆಟ್ಟ ಅಭಿವೃದ್ಧಿ ಯೋಜನೆ ಕೋಶಾಧಿಕಾರಿ ದತ್ತಾತ್ರೇಯ ರಾವ್, ಸದಸ್ಯರಾದ ಡಾ.ರವೀಂದ್ರ, ಸೂರ್ಯನಾಥ ಆಳ್ವ, ಎಂ.ಎಸ್ ಅಮ್ಮಣ್ಣಾಯ, ಸಂತೋಷ್ ಶೆಟ್ಟಿ, ಪೊರ್ಲು ಇವೆಂಟ್ಸ್ ನ ಸಂತೋಷ್ ಭಂಡಾರಿ ಚಿಲ್ಮೆತ್ತಾರು, ಕೃಷ್ಣಪ್ರಸಾದ್ ರೈ, ರಾಕೇಶ್ ರೈ, ಮಾರ್ಕ್ ಟೆಲಿಕಾಂನ ಶಶಿರಾಜ್ ರೈ ಉಪಸ್ಥಿತರಿದ್ದರು.
