ಪುತ್ತೂರು: ಮಹಾ ಶಿವರಾತ್ರಿ ಉತ್ಸವ ಹಾಗೂ ಸಾನಿಧ್ಯ ವೃದ್ಧಿಗಾಗಿ 48 ದಿನಗಳ ಸಂಧ್ಯಾ ಭಜನೆ ಪ್ರಯುಕ್ತ ಮಂಗಳೂರಿನ ಶ್ರೀ ಶಿವ ಶಕ್ತಿ ಭಜನಾ ಮಂದಿರ ಮೂಡು ಶೆಡ್ಡೆಯಲ್ಲಿ ಹದಿನೆಂಟನೇ ದಿನದ ಭಜನಾ ಸಂಕೀರ್ತನೆ ಸೇವೆಯ ಪ್ರಯಕ್ತ ಪುತ್ತೂರಿನ ಸ್ವರ ಮಾಧುರ್ಯ ಸಂಗೀತ ಬಳಗದ ಸೋನಿಕಾ ಜನಾರ್ದನ್ ಮತ್ತು ತಂಡದವರು ಭಕ್ತಿ ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು.
ಗಾಯನದಲ್ಲಿ ಯುವ ಗಾಯಕಿ ಕಾವ್ಯಶ್ರೀ ಗಡಿಯಾರ, ಕೀಬೋರ್ಡ್ ನಲ್ಲಿ ಜಗದೀಶ್ ಮಂಗಲ್ಪಾಡಿ ತಬಲದಲ್ಲಿ ಜನಾರ್ದನ್ ಪುತ್ತೂರು, ತಾಳದಲ್ಲಿ ಪ್ರಮೀಳಾ ಜನಾರ್ದನ್ ಸಹಕರಿಸಿದರು. ಕಾರ್ಯಕ್ರಮದ ಸೇವಾಕರ್ತರಾಗಿ ಮಹೇಂದ್ರ ಪೂಜಾರಿ ಕತ್ತಲ್‌ಸಾರ್ ಸಹಕರಿಸಿದ್ದರು. ಭಜನಾ ಮಂದಿರ ದ ಆಡಳಿತ ಮಂಡಳಿ ವತಿಯಿಂದ ವಿಶ್ವನಾಥ್ ಯಾದವ್ ಅವರು ಕಾರ್ಯಕ್ರಮ ನಿರ್ವಹಿಸಿ, ಕಲಾವಿದರನ್ನು ಗೌರವಿಸಿದರು.
