ಪುತ್ತೂರು: ಶಿಕ್ಷಕಿ ವೃತ್ತಿಯಲ್ಲಿ ಸುದೀರ್ಘ 30 ವರ್ಷ ಸೇವೆ ಸಲ್ಲಿಸಿರುವ ಅರಿಯಡ್ಕ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಶಿಕ್ಷಕಿ ಶ್ರೀಮತಿ ರೆಜಿನಾ ಡಿ’ಸೋಜರವರು ಜ.31 ರಂದು ಸೇವಾ ನಿವೃತ್ತಿ ಹೊಂದಲಿದ್ದಾರೆ.
ಕಡಬ ನಿವಾಸಿ, ಶಿಕ್ಷಕರೂ ಆಗಿರುವ ತಂದೆ ವಿಲಿಯಂ ಡಿ’ಸೋಜ ಹಾಗೂ ತಾಯಿ ಮೇರಿ ಡಿ’ಸೋಜರವರ ಪುತ್ರಿಯಾಗಿ ಜನಿಸಿದ ಶ್ರೀಮತಿ ರೆಜಿನಾ ಡಿ’ಸೋಜರವರು ಮೊದಲಿಗೆ 1996 ರಲ್ಲಿ ಚಿಕ್ಕಮುಡ್ನೂರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ತಮ್ಮ ಶಿಕ್ಷಕ ವೃತ್ತಿಯನ್ನು ಆರಂಭಿಸಿ ಅಲ್ಲಿ 19 ವರ್ಷ ಸೇವೆ ಸಲ್ಲಿಸಿ ಬಳಿಕ 2015 ರಲ್ಲಿ ಅರಿಯಡ್ಕ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ವರ್ಗಾವಣೆಗೊಂಡು ಅಲ್ಲಿ 10 ವರ್ಷ ಸೇವೆ ಸಲ್ಲಿಸಿ ಅದೇ ಶಾಲೆಯಲ್ಲಿ ನಿವೃತ್ತಿ ಹೊಂದಲಿದ್ದಾರೆ.
ಶ್ರೀಮತಿ ರೆಜಿನಾ ಡಿ’ಸೋಜರವರು ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಕಡಬ ಸೈಂಟ್ ಜೋಕಿಮ್ಸ್ ಹಿರಿಯ ಪ್ರಾಥಮಿಕ ಶಾಲೆ, ಪ್ರೌಢ ಶಿಕ್ಷಣವನ್ನು ಕಡಬ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಶಿಕ್ಷಕಿ ವೃತ್ತಿಯ ಟಿ.ಸಿ.ಎಚ್ ಶಿಕ್ಷಣವನ್ನು ವಿರಾಜಪೇಟೆ ಸರ್ವೋದಯ ಮಹಿಳೆಯರ ಶಿಕ್ಷಣ ತರಬೇತಿ ಸಂಸ್ಥೆಯಲ್ಲಿ ಪಡೆದಿದ್ದರು.ಶ್ರೀಮತಿ ರೆಜಿನಾ ಡಿ’ಸೋಜರವರು ಪತಿ, ನಿವೃತ್ತ ಕೆ.ಎಸ್. ಆರ್.ಟಿ.ಸಿ ಚಾಲಕ ಹಾಗೂ ಅಪಘಾತರಹಿತ ಚಾಲಕ ವಿಭಾಗದಲ್ಲಿ ಬೆಳ್ಳಿ ಪದಕ ಪುರಸ್ಕೃತರಾದ ಹೆನ್ರಿ ಗಲ್ಬಾವೋ, ಪುತ್ರರಾದ ಅವಿನ್ ಟೂರ್ಸ್ ಆಂಡ್ ಟ್ರಾವೆಲ್ಸ್ ಮಾಲಕ ಅವಿನ್ ಗಲ್ಬಾವೋ, ಮಂಗಳೂರಿನ ಮಿಕ್ರೋ ಗ್ರಾಫಿಯೋದಲ್ಲಿ ಆಪರೇಶನ್ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿರುವ ಆಶಿಕ್ ಗಲ್ಬಾವೋರವರೊಂದಿಗೆ ಕಲ್ಲಾರೆಯಲ್ಲಿ ವಾಸ್ತವ್ಯ ಹೊಂದಿದ್ದಾರೆ.
