ರಾಮಕುಂಜ: ಕರ್ನಾಟಕ ಸರ್ಕಾರ, ದ.ಕ.ಜಿಲ್ಲಾ ಪಂಚಾಯತ್, ಶಾಲಾ ಶಿಕ್ಷಣ ಇಲಾಖೆ, ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ಪುತ್ತೂರು ಹಾಗೂ ಪ್ರಿಯದರ್ಶಿನಿ ಆಂಗ್ಲ ಮಾಧ್ಯಮ ಶಾಲೆ ಬೆಟ್ಟಂಪಾಡಿ ಇವರ ಆಶ್ರಯದಲ್ಲಿ ನಡೆದ 2025-26ನೇ ಸಾಲಿನ ಪುತ್ತೂರು ಮತ್ತು ಕಡಬ ಶೈಕ್ಷಣಿಕ ವಲಯದ ತಾಲೂಕು ಮಟ್ಟದ ಕ್ರೀಡಾಕೂಟದ 14 ಮತ್ತು 17 ವಯೋಮಾನದ ಬಾಲಕರ ವಿಭಾಗದಲ್ಲಿ ಶ್ರೀ ರಾಮಕುಂಜೇಶ್ವರ ಆಂಗ್ಲ ಮಾಧ್ಯಮ ಶಾಲೆಗೆ ಪ್ರಥಮ ಸಮಗ್ರ ಪ್ರಶಸ್ತಿ ಲಭಿಸಿದೆ. 14ರ ವಯೋಮಾನದ ಬಾಲಕರ ಉದ್ದ ಜಿಗಿತ ಸ್ಪರ್ಧೆಯಲ್ಲಿ 7ನೇ ತರಗತಿಯ ಮೋಕ್ಷಿತ್ ಆರ್ ಗೌಡ ಹಾಗೂ 17ರ ವಯೋಮಾನದ ಬಾಲಕರ ವಿಭಾಗದಲ್ಲಿ 10ನೇ ತರಗತಿಯ ಕಿರಣ್ ನೂತನ ಕೂಟ ದಾಖಲೆ ನಿರ್ಮಿಸಿದ್ದಾರೆ.

14ರ ವಯೋಮಾನದ ಬಾಲಕರ ವಿಭಾಗದಲ್ಲಿ ಮೋಕ್ಷಿತ್ ಆರ್ ಗೌಡ- ಉದ್ದ ಜಿಗಿತ ಪ್ರಥಮ, ಧನುಷ್ ಪಿ.-1೦೦ ಮೀ.ಓಟ ದ್ವಿತೀಯ, 2೦೦ ಮೀ. ಓಟ ದ್ವಿತೀಯ, ಚಿನ್ಮಯ್ ಗೌಡ-ಗುಂಡು ಎಸೆತ ದ್ವಿತೀಯ ಸ್ಥಾನ ಪಡೆದಿದ್ದಾರೆ. 4*1೦೦ ಮೀ.ರಿಲೇ ಸ್ಪರ್ಧೆಯಲ್ಲಿ ಶಾಲೆಯ ತಂಡ ಪ್ರಥಮ ಸ್ಥಾನ ಪಡೆದಿದೆ. 17ರ ವಯೋಮಾನದ ಬಾಲಕರ ವಿಭಾಗದಲ್ಲಿ ಕಿರಣ್-ಈಟಿ ಎಸೆತ ಪ್ರಥಮ, ಗುಂಡು ಎಸೆತ ಪ್ರಥಮ, ಆಕಾಶ್ ಗೌಡ-8೦೦ ಮೀ.ಓಟ ದ್ವಿತೀಯ, 15೦೦ ಮೀ.ಓಟ ಪ್ರಥಮ, 3೦೦೦ ಮೀ.ಓಟ ದ್ವಿತೀಯ, ಶೌರ್ಯ ಕೆ.ದಿನೇಶ್ – 4೦೦ ಮೀ.ಓಟ ಪ್ರಥಮ, 4೦೦ ಮೀ.ಹರ್ಡಲ್ಸ್ ಪ್ರಥಮ, ರೋಹನ್ ಎಸ್ ಗೌಡ-5 ಕಿ.ಮೀ ನಡಿಗೆ ಪ್ರಥಮ, ಧನುಷ್ ಗೌಡ ಎಸ್. ಸಿ.-ಹ್ಯಾಮರ್ ತ್ರೋ ಪ್ರಥಮ, ಯಶವಂತ ಎಸ್.ವಿ.-ಗುಂಡು ಎಸೆತ ದ್ವಿತೀಯ, ಹೇಮಂತ್ ಪಟೇಲ್-ಹ್ಯಾಮರ್ ತ್ರೋ ದ್ವಿತೀಯ, ಕಿಶೋರ್ ಡಿ.ಕೆ.-ಕೋಲು ಜಿಗಿತ ತೃತೀಯ ಸ್ಥಾನ ಪಡೆದಿದ್ದಾರೆ. 4*1೦೦ ಮೀ.ರಿಲೇ ಸ್ಪರ್ಧೆಯಲ್ಲಿ ಶಾಲೆಯ ತಂಡ ದ್ವಿತೀಯ ಸ್ಥಾನ ಪಡೆದಿದೆ. 17ರ ವಯೋಮಾನದ ಬಾಲಕಿಯರ ವಿಭಾಗದಲ್ಲಿ ಶಾರ್ವರಿ ಕೆ.ರೈ ಹ್ಯಾಮರ್ ತ್ರೋ ದ್ವಿತೀಯ ಸ್ಥಾನ ಪಡೆದಿದ್ದಾರೆ. ಒಟ್ಟು 13 ವಿದ್ಯಾರ್ಥಿಗಳು ಸುಳ್ಯ ತಾಲೂಕಿನ ಪಂಜ ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆಯುವ ಜಿಲ್ಲಾ ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.‌

ಇವರಿಗೆ ಸಂಸ್ಥೆಯ ಕಾರ್ಯದರ್ಶಿ ಕೆ.ಸೇಸಪ್ಪ ರೈಯವರ ಮಾರ್ಗದರ್ಶನದಲ್ಲಿ ದೈಹಿಕ ಶಿಕ್ಷಣ ಶಿಕ್ಷಕರಾದ ಪ್ರೇಮ ಬಿ, ದಿವ್ಯ ಪಿ.ಎನ್., ರಾಘವ ಹಾಗೂ ಕಿಶಾನ್‌ರಾಜ್ ತರಬೇತಿ ನೀಡಿದರು. ಸಂಸ್ಥೆಯ ಆಡಳಿತ ಅಧಿಕಾರಿ, ವ್ಯವಸ್ಥಾಪಕರು, ಪ್ರೌಢಶಾಲಾ ಮತ್ತು ಪ್ರಾಥಮಿಕ ಶಾಲಾ ಮುಖ್ಯಗುರುಗಳು, ಶಿಕ್ಷಕ ಶಿಕ್ಷಕೇತರ ವೃಂದದವರು ವಿದ್ಯಾರ್ಥಿಗಳಿಗೆ ಶುಭ ಹಾರೈಸಿದ್ದಾರೆ.