ಪುತ್ತೂರು: ಮನೆಯ ಟೇರೆಸಿಗೆ ಹತ್ತುವ ಮೆಟ್ಟಿಲಿನ ಸಮೀಪ ಕುಸಿದು ಬಿದ್ದು ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಸಾಲ್ಮರ ಮುದ್ದೋಡಿ ಎಂಬಲ್ಲಿ ನಡೆದ ಬಗ್ಗೆ ವರದಿಯಾಗಿದೆ.
ಸಾಲ್ಮರ ಮುದ್ದೋಡಿ ನಿವಾಸಿ ನಾರಾಯಣ ನಾಯ್ಕ (64ವ)ರವರು ಮೃತಪಟ್ಟವರು. ಅವರು ಮನೆಯ ಟೇರೆಸಿಗೆ ಹತ್ತುವ ಮೆಟ್ಟಲಿನ ಸಮೀಪ ಕುಸಿದು ಬಿದ್ದು ಮೃತಪಟ್ಟಿದ್ದಾರೆ.
ಡಿ.24ರಂದು ಅವರ ಸಂಬಂಧಿಕೆಯೊಬ್ಬರು ನಾರಾಯಣ ನಾಯ್ಕ ಅವರು ಮನೆಯ ಟೇರೆಸಿಗೆ ಹತ್ತುವ ಬಳಿ ಕವಚಿ ಬಿದ್ದು ಕೊಂಡಿರುವುದನ್ನು ನಾರಾಯಣ ನಾಯ್ಕ ಅವರ ಪತ್ನಿಗೆ ತಿಳಿಸಿದ್ದರು. ಬಳಿಕ ಅವರನ್ನು ಸರಕಾರಿ ಆಸ್ಪತ್ರೆಗೆ ಕರೆದೊಯ್ಯುವಾಗ ಆಗಲೇ ಅವರು ಮೃತಪಟ್ಟಿರುವುದಾಗಿ ತಿಳಿದು ಬಂದಿದೆ. ಮೃತರು ಪತ್ನಿ ಬಂಟ್ವಾಳ ಸರಕಾರಿ ಆಸ್ಪತ್ರೆಯಲ್ಲಿ ಶುಶ್ರೂಷಾಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸುತ್ತಿರುವ ಗೀತಾ ಅವರನ್ನು ಅಗಲಿದ್ದಾರೆ. ಪುತ್ತೂರು ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
