ಪುತ್ತೂರು: ದೇಶದ ಪ್ರಮುಖ ದ್ವಿಚಕ್ರ ವಾಹನ ತಯಾರಿಕಾ ಸಂಸ್ಥೆಯಾಗಿರುವ ಟಿವಿಎಸ್‌ನ ಅತ್ಯಾಕರ್ಷಕ ಶೈಲಿ ಹಾಗೂ ಆಧುನಿಕ ತಂತ್ರಜ್ಞಾನ ಆಧಾರಿತ ಬೈಕ್ ಟಿವಿಎಸ್ ರೋನಿನ್ ಅನ್ನು ಬೊಳುವಾರಿನ ಏಸ್ ಮೋಟಾರ‍್ಸ್‌ನಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಯಿತು. ಪಾಲ್ತಾಡಿಯ ತಾರಾನಾಥ ಕೆ.ಎಸ್ ಪ್ರಥಮ ಗ್ರಾಹಕರಾಗಿದ್ದರು. ಟಿವಿಎಸ್‌ನ ಮ್ಯಾನೇಜರ್ ರೂಪಿತ್ ಕೀ ಹಸ್ತಾಂತರ ಮಾಡಿದರು.
ರೆಟ್ರೋ ಮತ್ತು ಆಧುನಿಕ ಶೈಲಿಯ ಮೊದಲ ನಿಯೋ-ರೆಟ್ರೋ ರೋಡ್‌ಸ್ಟರ್ ಬೈಕ್ ಆಗಿದೆ. ರೋನಿನ್ ಬೈಕ್ ಕ್ರೂಸರ್ ವಿಭಾಗದಲ್ಲಿ ಟಿವಿಎಸ್‌ನ ಮೊಟ್ಟಮೊದಲ ಬೈಕ್ ಆಗಿದೆ. ಈ ಬೈಕ್ ಬಲು ಆಕರ್ಷಣೀಯವಾಗಿದ್ದು ಯುವ ಸಮುದಾಯಕ್ಕೆ ಹೇಳಿ ಮಾಡಿಸಿದಂತಿದೆ. ಮುಂಭಾಗದ ವೃತ್ತಾಕಾರದ ಹೆಡ್‌ಲ್ಯಾಂಪ್, ಟಿ ಆಕಾರದ ಎಲ್‌ಇಡಿ ಡಿಆರ್‌ಎಲ್, ಚಿನ್ನದ ಬಣ್ಣದ ಮುಂಭಾಗದ ಫೋರ್ಕ್‌ಗಳು ಬೈಕ್ ಪ್ರಿಯರನ್ನು ಸೆಳೆಯುವುದರಲ್ಲಿ ಅನುಮಾನವೇ ಇಲ್ಲ. ರೊನಿನ್ ಹೆಡ್‌ಲ್ಯಾಂಪ್ ವಿನ್ಯಾಸಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. 9-ಸ್ಪೋಕ್ ಎಂಜಿನ್ ಹಾಗೂ ಮಿಶ್ರಲೋಹದ ಚಕ್ರಗಳು, ಕಪ್ಪು ಛಾಯೆಯ ಎಂಜಿನ್ ಕವಚಗಳು, ದೊಡ್ಡ ಇಂಧನ ಟ್ಯಾಂಕ್, ಕಪ್ಪು ಎಕ್ಸಾಸ್ಟ್ ಪೈಪ್, ಹಿಂಭಾಗದ ಕೊನೆಯಲ್ಲಿ ಎಲ್‌ಇಡಿ ಟೈಲ್ ಲ್ಯಾಂಪ್ ಕ್ಲಸ್ಟರ್ ಕೂಡ ಈ ಬೈಕ್‌ನ್ನು ಮತ್ತಷ್ಟು ಆಕರ್ಷಣೀಯವನ್ನಾಗಿಸಿದೆ. ಟಿವಿಎಸ್ ರೊನಿನ್ ವಿಶೇಷತೆಯೆಂದರೆ ಈ ಬೈಕ್‌ನಲ್ಲಿ ಎಲ್ಲೆಡೆ ಎಲ್‌ಇಡಿ ಲೈಟಿಂಗ್ ವ್ಯವಸ್ಥೆ ಇದೆ. ಹೆಡ್‌ಲ್ಯಾಂಪ್, ಟರ್ನ್ ಇಂಡಿಕೇಟರ್ ಹಾಗೂ ಟೈಲ್ ಲ್ಯಾಂಪ್‌ಗಳೆಲ್ಲವೂ ಎಲ್‌ಇಡಿ ಲೈಟಿಂಗ್ ವ್ಯವಸ್ಥೆಯನ್ನು ಹೊಂದಿವೆ. ಈ ಬೈಕ್ ರೈಡಿಂಗ್ ಪ್ರಿಯರಿಗೆ ಅತ್ಯುತ್ತಮ ಆಯ್ಕೆಯಾಗಲಿದೆ.
ಡಬಲ್ ಕ್ರೇಡಲ್ ಸ್ಪ್ಲಿಟ್ ಸಿಂಕ್ರೊ ಸ್ಟಿಫ್ ಫ್ರೇಮ್‌ನಲ್ಲಿ ಕುಳಿತಿರುವ ಟಿವಿಎಸ್ ರೋನಿನ್ ಮುಂಭಾಗದ ಸಸ್ಪೆನ್ಷನ್‌ನಂತೆ, 41 ಎಂಎಂ ಯುಎಸ್‌ಡಿ ಶೋವಾ ಫೋರ್ಕ್‌ಗಳನ್ನು ಮತ್ತು 7-ಸ್ಟೆಪ್ ಅಡ್ಜಸ್ಟಬಲ್ ಪ್ರಿ-ಲೋಡ್‌ನೊಂದಿಗೆ ಹಿಂದಿನ ಸಸ್ಪೆನ್ಷನ್‌ನಂತೆ ಮೊನೊ-ಶಾಕ್ ಅನ್ನು ಒಳಗೊಂಡಿದೆ. ಒರಟಾದ ಭೂಪ್ರದೇಶಗಳಲ್ಲಿಯೂ ಸಹ ಈ ಬೈಕ್ ಮೇಲೆ ಆರಾಮದಾಯಕ ಸವಾರಿ ಮಾಡಬಹುದಾಗಿದೆ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ. ರೈಡಿಂಗ್ ಸ್ಥಾನವು ರೋನಿನ್‌ನಲ್ಲಿ ನೇರವಾಗಿದ್ದು ಹ್ಯಾಂಡಲ್‌ಬಾರ್‌ಗೆ ಸಾಕಷ್ಟು ಸುಲಭವಾಗಿ ತಲುಪುತ್ತದೆ. ಮುಂಭಾಗದ-ಸೆಟ್ ಫೂಟ್ ಪೆಗ್‌ಗಳು ಸವಾರರಿಗೆ ವಿಶ್ರಾಂತಿ ಪ್ರಯಾಣವನ್ನು ನೀಡುತ್ತವೆ. ಆದ್ದರಿಂದ, ರೈಡ್ ಮತ್ತು ನಿರ್ವಹಣೆ ವಿಭಾಗದಲ್ಲಿ ಈ ಬೈಕ್ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.
ಟಿವಿಎಸ್ ರೋನಿನ್ ಬಿಎಸ್6-ಕಂಪ್ಲೈಂಟ್ 225.9ಸಿಸಿ ಸಿಂಗಲ್-ಸಿಲಿಂಡರ್ ಆಯಿಲ್-ಕೂಲ್ಡ್ ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗಿದೆ, ಇದು 7,750ಆರ್‌ಪಿಎಂನಲ್ಲಿ 20.2 ಬಿಎಚ್‌ಪಿ ಮತ್ತು 3,750 ಆರ್‌ಪಿಎಂನಲ್ಲಿ 19.93 ಎನ್‌ಎಂನ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್ ಅನ್ನು 5-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಸ್ಲಿಪ್ಪರ್ ಕ್ಲಚ್‌ನೊಂದಿಗೆ ಲಿಂಕ್ ಮಾಡಲಾಗಿದೆ. ಈ ನೂತನ ಬೈಕ್‌ನ ಬುಕ್ಕಿಂಗ್ ಈಗಾಗಲೇ ಆರಂಭಗೊಂಡಿದೆ. ಪ್ರದರ್ಶನ ಮತ್ತು ಟೆಸ್ಟ್ ರೈಡ್‌ಗೆ ಶೋರೂಂನಲ್ಲಿ ಲಭ್ಯವಿದೆ. ಹೆಚ್ಚಿನ ಮಾಹಿತಿಗಾಗಿ 7760888333 ನಂಬರನ್ನು ಸಂಪರ್ಕಿಸುವಂತೆ ಶೋರೂಂನ ಪ್ರಕಟಣೆ ತಿಳಿಸಿದೆ.
