ಕಾಣಿಯೂರು: ಕಾಣಿಯೂರು ಪ್ರಗತಿ ವಿದ್ಯಾಸಂಸ್ಥೆಯಲ್ಲಿ ಎಸ್.ಎಸ್.ಎಲ್. ಸಿ ವಿದ್ಯಾರ್ಥಿಗಳು ಮತ್ತು ಪೋಷಕರೊಂದಿಗೆ ಸಂವಾದ ಕಾರ್ಯಕ್ರಮವು ಮಾ.9ರಂದು ನಡೆಯಿತು.
ಮುಖ್ಯ ಅತಿಥಿಯಾಗಿ ಕಾಣಿಯೂರು ಪ್ರಗತಿ ವಿದ್ಯಾಸಂಸ್ಥೆಯಲ್ಲಿ ಮುಖ್ಯಗುರುಗಳಾಗಿ ಸೇವೆ ಸಲ್ಲಿಸಿದ್ದ ಗಿರಿಶಂಕರ್ ಸುಲಾಯ ಭಾಗವಹಿಸಿ ಎಸ್. ಎಸ್. ಎಲ್. ಸಿ ಪರೀಕ್ಷೆಯನ್ನು ಸುಲಭವಾಗಿ , ನಿರ್ಭೀಯತಿಯಿಂದ , ಆತ್ಮವಿಶ್ವಾಸದಿಂದ ಎದುರಿಸುವ ಬಗ್ಗೆ , ಉತ್ತಮ ಅಂಕ ಗಳಿಸಲು ಸರಳ ವಿಧಾನಗಳ ಬಗ್ಗೆ , ಭವಿಷ್ಯತ್ತಿನ ಚಿಂತನೆಗಳ ಬಗ್ಗೆ ಮಕ್ಕಳಿಗೆ ಮನಮುಟ್ಟುವಂತೆ ತಿಳಿಯಪಡಿಸಿದರು.
ಈ ಸಂದರ್ಭದಲ್ಲಿ ಶಾಲಾ ಸಂಚಾಲಕರಾದ ಜಯಸೂರ್ಯ ರೈ ಮಾದೋಡಿ , ಶಾಲಾ ಆಡಳಿತ ಅಧಿಕಾರಿ ವಸಂತ ರೈ ಕಾರ್ಕಳ , ಮುಖ್ಯಗುರುಗಳಾದ ಸರಸ್ವತಿ ಎಮ್ , ವಿನಯ ವಿ. ಶೆಟ್ಟಿ , ಅನಿತಾ ಜೆ. ರೈ ಮತ್ತು ಶಿಕ್ಷಕ ವೃಂದದವರು , ಪೋಷಕರು ಭಾಗವಹಿಸಿದ್ದರು.
