ಪುತ್ತೂರು:ಚಿಕ್ಕಮುಡ್ನೂರು ಗ್ರಾಮದ ಉರಮಾಲ್ ನಿವಾಸಿ ಮೋನಪ್ಪ ಪೂಜಾರಿ(54ವ)ಎಂಬವರು ಮನೆಯಲ್ಲೇ ನೇಣುಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮೇ 25ರ ಸಂಜೆ ಬೆಳಕಿಗೆ ಬಂದಿದೆ.
ಒಬ್ಬಂಟಿಯಾಗಿದ್ದ ಮೋನಪ್ಪ ಪೂಜಾರಿ ಅವರು ಮೇ 21ರಿಂದ ಯಾರಿಗೂ ಸಂಪರ್ಕಕ್ಕೆ ಸಿಗದೇ ಇದ್ದುದರಿಂದ ಮನೆ ಸಮೀಪದವರು ಅವರ ಮನೆಗೆ ಹೋಗಿ ನೋಡಿದಾಗ ಮನೆಯ ಹಾಲ್‌ನಲ್ಲಿ ತೆಂಗಿನ ಮರದ ಅಡ್ಡಕ್ಕೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವುದು ಬೆಳಕಿಗೆ ಬಂದಿತ್ತು.ಘಟನೆ ಕುರಿತು ಮಾಹಿತಿ ಪಡೆದ ಅವರ ಸಹೋದರ ಪುತ್ರ ಕುಶನ್ ಅವರು ನೀಡಿದ ದೂರಿನಂತೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
