ಉಪ್ಪಿನಂಗಡಿ: ದಕ್ಷಿಣ ಕೊರಿಯದ ಸಮೇಗಂನಲ್ಲಿ ನಡೆಯಲಿರುವ 25ನೇ ವರ್ಲ್ಡ್ ಸ್ಕೌಟ್ಸ್ ಜಾಂಬೂರಿಯಲ್ಲಿ ಪಾಲ್ಗೊಳ್ಳುವ ಭಾರತ ತಂಡದ ಐಎಸ್‌ಟಿ ಪ್ರತಿನಿಧಿಯಾಗಿ ಕರುವೇಲಿನ ಸೈಫುದ್ದೀನ್ ಆಯ್ಕೆಯಾಗಿದ್ದಾರೆ.
ಕರುವೇಲಿನ ಕಮರ್‌ಬೀಡಿ ಅಬ್ದುಲ್ ಖಾದರ್ ಹಾಜಿ ಮತ್ತು ಸಲೀಕತ್ ಬೀಬಿ ದಂಪತಿಯ ಪುತ್ರನಾದ ಇವರು ಮಂಗಳೂರು ಸೈಂಟ್ ಅಲೋಶಿಯಸ್ ಕಾಲೇಜಿನ ಬಿಎ ವಿದ್ಯಾರ್ಥಿಯಾಗಿದ್ದು, ಕರುವೇಲು ಕುವ್ವತುಲ್ ಇಸ್ಲಾಂ ಮದ್ರಸ ಹಳೆ ವಿದ್ಯಾರ್ಥಿಯಾಗಿದ್ದಾರೆ. ಝಿಕ್ರ್ ಹಲ್ಖಾ ಕಮಿಟಿಯ ಜೊತೆ ಕಾರ್ಯದರ್ಶಿಯಾಗಿದ್ದಾರೆ. ವಿಶ್ವ ಜಾಂಬೂರಿಯು ಮುಂಬರುವ ಆ.1ರಿಂದ 12ರವರೆಗೆ ನಡೆಯಲಿದೆ.
