ಕಡಬ ನೂತನ ತಹಸೀಲ್ದಾರ್ ಖಜೂರೆ ಅಧಿಕಾರ ಸ್ವೀಕಾರ

ಕಡಬ: ಕಡಬ ತಾಲೂಕು ನೂತನ ತಹಸಿಲ್ದಾರ್ ಆಗಿ ಪ್ರಭಾಕರ ಖಜೂರೆ ಅವರು ಸೋಮವಾರ ಸಂಜೆ ಕಡಬ ತಾಲೂಕು ಕಛೇರಿಯಲ್ಲಿ ಅಧಿಕಾರ ಸ್ವೀಕರಿಸಿದರು.

ಮೂಲತಃ ಬೀದರ್ ಜಿಲ್ಲೆಯ ಹುಮ್ನಬಾದ್ ನಿವಾಸಿಯಾಗಿರುವ ಪ್ರಭಾಕರ ಖಜೂರೆ ಅವರು ಈ ಹಿಂದೆ ಮಂಗಳೂರಿನ ಉಳ್ಳಾಲದಲ್ಲಿ ತಹಸೀಲ್ದಾರ್ ಆಗಿ ಕರ್ತವ್ಯ ನಿರ್ವಹಿಸಿದ್ದರು. ಇವರನ್ನು ಕಡಬಕ್ಕೆ ತಹಸೀಲ್ದಾರ್ ಆಗಿ ನೇಮಕಗೊಳಿಸಿ ಆ 11ರಂದು ಸರಕಾರ ಆದೇಶ ಹೊರಡಿಸಿತ್ತು. ಆದರೆ ನಾನಾ ಕಾರಣಗಳಿಂದ ಅವರು ಕಡಬದಲ್ಲಿ ಅಧಿಕಾರ ವಹಿಸಿಕೊಂಡಿರಲಿಲ್ಲ. ಈ ಮಧ್ಯೆ ಸುಳ್ಯ ತಹಸೀಲ್ದಾರ್ ಮಂಜುನಾಥ್ ಅವರು ಪ್ರಭಾರ ತಹಸೀಲ್ದಾರ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು. ಮಂಗಳವಾರದಿಂದ ನೂತನ ತಹಸಿಲ್ದಾರ್ ಜನರ ಸೇವೆಗೆ ಸಿಗಲಿದ್ದಾರೆ ಎಂದು ಕಛೇರಿ ಮೂಲ ತಿಳಿಸಿದೆ. ಕಡಬ ತಹಸೀಲ್ದಾರ್ ಕಛೇರಿಯಲ್ಲಿ ಉಪತಹಸೀಲ್ದಾರ್ ಮನೋಹರ ಕೆ.ಟಿ ನೂತನ ತಹಸಿಲ್ದಾರ್ ಅವರನ್ನು ಬರಮಾಡಿಕೊಂಡರು.