ಪುತ್ತೂರು: ಸವಣೂರು ಗ್ರಾಮದ ಇಡ್ಯಾಡಿಯಲ್ಲಿ ಕುಶಾಲಪ್ಪ ಗೌಡ, ಶುಭ ಕುಶಾಲಪ್ಪ ಗೌಡ, ಚರಣ್ ಇ.ಕೆ ಮತ್ತು ಚಂದನ್ ಇ.ಕೆ ರವರ ‘ಶ್ರೀ ಶುಭ ನಿಲಯ’ದ ಗೃಹ ಪ್ರವೇಶ ಕಾರ‍್ಯಕ್ರಮದ ಪ್ರಯುಕ್ತ ಏ.12ರಂದು ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿಯವರಿಂದ ಶ್ರೀ ದೇವಿಯ ಸೇವಾ ಬಯಲಾಟವಾಗಿ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಜರಗಿತು.
ಕುಶಾಲಪ್ಪ ಗೌಡ ಇಡ್ಯಾಡಿ, ಶುಭ ಕುಶಾಲಪ್ಪ ಗೌಡ, ಚರಣ್ ಇ.ಕೆ ಮತ್ತು ಚಂದನ್ ಇ.ಕೆ ಹಾಗೂ ಕುಶಾಲಪ್ಪ ಗೌಡರವರ ಸಹೋದರ ಜಿ.ಪಂ, ಮಾಜಿ ಸದಸ್ಯ ಶಿವಣ್ಣ ಗೌಡ ಇಡ್ಯಾಡಿ ಮತ್ತು ಕುಟುಂಬಸ್ಥರು ಅತಿಥಿಗಳನ್ನು ಸ್ವಾಗತಿಸಿದರು. ಸಮಾರಂಭದಲ್ಲಿ ಸಾಮಾಜಿಕ, ಧಾರ್ಮಿಕ, ಶೈಕ್ಷಣಿಕ, ರಾಜಕೀಯ ಮುಖಂಡರುಗಳು, ವಿವಿಧ ಸಂಘ-ಸಂಸ್ಥೆಗಳ ಪದಾಧಿಕಾರಿಗಳು ಸೇರಿದಂತೆ ಸಾವಿರಾರು ಮಂದಿ ಭಾಗವಹಿಸಿದರು.
