ಪುತ್ತೂರು: ಮೂಡಬಿದ್ರೆ ಶ್ರೀ ಡಾ.ಪಂಡಿತಾಚಾರ್ಯ ಪಟ್ಟಾಚಾರ್ಯವರ್ಯಮಹಾ ಸ್ವಾಮಿಯವರು ಹಮ್ಮಿಕೊಂಡ ನಿರಂತರ ತಾಳಮದ್ದಳೆ ಅಂಗವಾಗಿ ಧವಳತ್ರ ಜೈನ ಕಾಶಿ ಟ್ರಸ್ಟ್ ಇದರ ಆಶ್ರಯದಲ್ಲಿ ಬೊಳುವಾರು ಶ್ರೀ ಆಂಜನೇಯ ಮಹಿಳಾ ಯಕ್ಷಗಾನ ಸಂಘ ಬೊಳುವಾರು ಪುತ್ತೂರು ಇದರ “ವಿಂಶತಿ” ಕಾರ್ಯಕ್ರಮದ ಸರಣಿ ತಾಳಮದ್ದಳೆ ’ಪಾರ್ತಿಸುಬ್ಬ ವಿರಚಿತ ” ಭರತಾಗಮನ ” ತಾಳಮದ್ದಳೆ ಜೂ.30ರಂದು ನಡೆಯಿತು.
ಹಿಮ್ಮೇಳದಲ್ಲಿ ಭರತ್ ಶೆಟ್ಟಿ ಸಿದ್ದಕಟ್ಟೆ, ದೇವಾನಂದ ಭಟ್ ಬೆಳುವಾಯಿ, ದಿವಿಜೇಶ್ ಬೆಳುವಾಯಿ ಸಹಕರಿಸಿದರು. ಮುಮ್ಮೇಳದಲ್ಲಿ ಶುಭಾ ಅಡಿಗ ( ಭರತ ), ಕಿಶೋರಿ ದುಗ್ಗಪ್ಪ ನಡುಗಲ್ಲು ( ಶ್ರೀ ರಾಮ ), ಶುಭಾಗಣೇಶ್ ( ವಸಿಷ್ಠ ಮತ್ತು ಲಕ್ಷ್ಮಣ ) ಸಹಕರಿಸಿದರು. ಶ್ರೀಗಳು ದೀಪಬೆಳಗಿಸಿ ಉದ್ಘಾಟಿಸಿ ಶುಭಹಾರೈಸಿ ಕಲಾವಿದರನ್ನು ಗೌರವಿಸಿದರು. ಸಂಘದ ನಿರ್ದೇಶಕ ಭಾಸ್ಕರ್ ಬಾರ್ಯ ಸ್ವಾಗತಿಸಿ ವಂದಿಸಿದರು.
