ಉಪ್ಪಿನಂಗಡಿ: ಇಲ್ಲಿ ಕಾರ್ಯಾಚರಿಸುತ್ತಿರುವ ಎಂಟು ಮಂದಿ ಗೃಹ ರಕ್ಷಕದಳದವರನ್ನೊಳಗೊಂಡ ಪ್ರವಾಹ ರಕ್ಷಣಾ ತಂಡಕ್ಕೆ ದ.ಕ. ಜಿಲ್ಲಾಧಿಕಾರಿ ಕಚೇರಿಯಿಂದ ರೈನ್ ಕೋಟ್ ಮತ್ತು ಗಮ್ ಬೂಟ್‌ಗಳನ್ನು ನೀಡಲಾಯಿತು.
ಜಿಲ್ಲಾ ಗೃಹರಕ್ಷಕದಳದ ಕಚೇರಿಯಲ್ಲಿ ಪ್ರಥಮ ದರ್ಜೆ ಸಹಾಯಕಿ ಶ್ಯಾಮಲಾ ಉಪ್ಪಿನಂಗಡಿ ಗೃಹ ರಕ್ಷಕದಳದ ಪ್ರಭಾರ ಘಟಕಾಧಿಕಾರಿ ದಿನೇಶ್ ಅವರಿಗೆ ಹಸ್ತಾಂತರಿಸಿದರು. ಈ ಸಂದರ್ಭ ಪ್ರವಾಹ ರಕ್ಷಣಾ ಕರ್ತವ್ಯದಲ್ಲಿರುವ ಗೃಹರಕ್ಷಕರಾದ ಅಬ್ದುಲ್ ಹಸೀದ್, ಸುದರ್ಶನ್ ಹಾಗೂ ಉಳ್ಳಾಲ ಘಟಕದ ಪ್ರಭಾರ ಘಟಕಾಧಿಕಾರಿ ಸುನೀಲ್, ಚಂದ್ರಶೇಖರ, ಸುಲೋಚನಾ ಉಪಸ್ಥಿತರಿದ್ದರು.
