ಪುತ್ತೂರು: ಹೊಲಿಗೆ ಸಾಮಾಗ್ರಿಗಳಿಗೆ ಸಂಬಂಧಿಸಿ ನೂಲಿನ ವ್ಯಾಪಾರ ಉದ್ಯಮ ನಡೆಸುತ್ತಿದ್ದ ‘ಮಧುರಾ ಕೋಡ್ಸ್’ನ ಮಾಲಕ ಪುಂಡಲಿಕ ಪೈ (81ವ) ನ.3 ರ ನಸುಕಿನ ಜಾವ ನಿಧನರಾದರು.
ಕೊಂಬೆಟ್ಟು ಸುಧಾ ನಿವಾಸಿ ಪುಂಡಲಿಕ ಪೈ ಅವರು ಹಲವು ವರ್ಷಗಳ ಹಿಂದೆ ಪುತ್ತೂರು ಮುಖ್ಯ ರಸ್ತೆ ಶಾಂತಿನಾಥ ಬಸದಿ ಸಮೀಪದ ಮೆಜೆಸ್ಟಿಕ್ ಕಟ್ಟಡದಲ್ಲಿ ಹೊಲಿಗೆ ನೂಲಿನ ಮಧುರಾ ಕೋಡ್ಸ್ ಉದ್ಯಮ ನಡೆಸುತ್ತಿದ್ದರು. ಬಳಿಕ ಅವರು ನಿವೃತಿ ಪಡೆದು ಮನೆಯಲ್ಲಿದ್ದರು. ಅಲ್ಪಕಾಲದ ಅನಾರೋಗ್ಯದಿಂದಾಗಿ ಮಂಗಳೂರು ಆಸ್ಪತ್ರೆಯಲ್ಲಿ ದಾಖಲಾದ ಅವರು ನ.3 ರಂದು ನಸುಕಿನ ಜಾವ ಅಲ್ಲಿ ಅವರು ನಿಧನರಾದರು. ಮೃತರು ಪತ್ನಿ ಮುಕ್ತಾ ಪೈ ಜಿ, ಪುತ್ರ ದಂತ ವೈದ್ಯ ಡಾ.ಪ್ರಕಾಶ್ ಪೈ ಜಿ, ಪುತ್ರಿಯರಾದ ಕವಿತಾ ಪೈ ಮತ್ತು ದಿವ್ಯಾ ಪೈ, ಸೊಸೆ ಡಾ.ಶೈಲಾ ಪೈ, ಅಳಿಯಂದಿರಾದ ಡಾ.ಸುಬ್ರಾಯ ಭಟ್, ನಾಗರಾಜ ಕಿಣಿ ಹಾಗೂ ಮೊಮ್ಮಕ್ಕಳನ್ನು ಅಗಲಿದ್ದಾರೆ.
