ಪುತ್ತೂರು: ಮನೆಯಂಗಳದಲ್ಲಿ ನಿಲ್ಲಿಸಿದ್ದ ಸ್ಕೂಟರ್ ಅನ್ನು ಕಳವುಗೈದ ಘಟನೆ ನ.10 ರಂದು ತಿಂಗಳಾಡಿ ಸಮೀಪದ ನಂಜೆ ಎಂಬಲ್ಲಿಂದ ವರದಿಯಾಗಿದೆ.
ನಂಜೆ ನಿವಾಸಿ ಎನ್.ಎಮ್ ಮೊಹಮ್ಮದ್ ಎಂಬವರ ಮನೆಯಂಗಳದಲ್ಲಿ ನಿಲ್ಲಿಸಿದ್ದ ಅವರ ಪುತ್ರ ತ್ವಹಾ ಮೊಯ್ಯುದ್ದೀನ್‌ರವರ ಟಿವಿಎಸ್ ಎಂಟರ್‌ಕ್ಯೂ ಸ್ಕೂಟರ್ ಕೆಎ 21ಎಂ3506 ಕಳವು ಆಗಿರುವ ಸ್ಕೂಟರ್ ಆಗಿದೆ. ನ.10 ರಂದು ಮುಂಜಾವಿನ ವೇಳೆ ಈ ಘಟನೆ ನಡೆದಿದೆ ಎನ್ನಲಾಗಿದೆ.
ರಾತ್ರಿ ಸುಮಾರು 3 ಗಂಟೆಯ ತನಕ ಮೊಹಮ್ಮದ್‌ರವರ ಪುತ್ರ ಇರ್ಷಾದ್‌ರವರು ಎಚ್ಚರವಾಗಿದ್ದರು ಆ ಬಳಿಕ ನಡೆದ ಘಟನೆ ಇದಾಗಿದೆ ಎನ್ನಲಾಗಿದೆ. ಮನೆಯಂಗಳದಲ್ಲಿರುವ ಶೆಡ್‌ನಲ್ಲಿ ಟಿವಿಎಸ್ ಸ್ಕೂಟರ್ ಅಲ್ಲದೆ ಹೋಂಡಾ ಆಕ್ಟೀವಾ ಸ್ಕೂಟರ್, ಬೈಕ್ ಹಾಗೂ ಓಮ್ನಿ ಕಾರು ಇತ್ತು ಆದರೆ ಕಳ್ಳರು ಕೇವಲ ಟಿವಿಎಸ್ ಸ್ಕೂಟರ್ ಒಂದನ್ನು ಮಾತ್ರ ಲಪಟಾಯಿಸಿದ್ದಾರೆ. ಈ ಬಗ್ಗೆ ಇರ್ಷಾದ್ ನಂಜೆಯವರು ಸಂಪ್ಯ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
