ಪುತ್ತೂರು: ಕೊಲ್ಲೂರಿನ ಮೂಕಾಂಬಿಕಾ ದೇವಸ್ಥಾನದಲ್ಲಿ ಪುತ್ತೂರಿನ ಸ್ವರ ಮಾಧುರ್ಯ ಸಂಗೀತ ಬಳಗದ ಸೋನಿಕ ಜನಾರ್ದನ್ ಮತ್ತು ತಂಡದವರಿಂದ ಭಕ್ತಿ ಸಂಗೀತ ಕಾರ್ಯಕ್ರಮ ನ.24ರಂದು ನಡೆಯಿತು. ಗಾಯನದಲ್ಲಿ ಸೋನಿಕ ಜನಾರ್ದನ್, ಪ್ರಕೃತಿ ಅನಂತಾಡಿ, ಪ್ರಮೀಳಾ ಜನಾರ್ದನ್, ವೈಷ್ಣವಿರವರುಗಳು ವಿವಿಧ ಭಕ್ತಿ ಗೀತೆಗಳನ್ನು ಪ್ರಸ್ತುತ ಪಡಿಸಿ ನೆರೆದ ಭಕ್ತರನ್ನು ಮನರಂಜಿಸಿದರು. ಹಿನ್ನೆಲೆ ಸಂಗೀತದಲ್ಲಿ ಶಿವಾನಂದ ಉಪ್ಪಳ (ಕೀಬೋರ್ಡ್),ಖ್ಯಾತ ಸಂಗೀತ ಕಲಾವಿದ ಜಗದೀಶ್ ಮಂಗಲ್ಪಾಡಿ ತಬಲದಲ್ಲಿ ಸಾಥ್ ನೀಡಿದರು. ಜನಾರ್ದನ ಪುತ್ತೂರು ಕಾರ್ಯಕ್ರಮ ನಿರೂಪಿಸಿದರು.
