ಅರಿಯಡ್ಕ: ಗ್ರಾಮದೈವ ಶ್ರೀ ಧೂಮಾವತಿ ಮತ್ತು ಶ್ರೀ ರಕ್ತೇಶ್ವರಿ ದೈವಸ್ಥಾನದ ಪುನಃ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವದ ಅಂಗವಾಗಿ ಜ.23 ರಂದು ಕುತ್ಯಾಡಿ ಗ್ರಾಮದೈವ ಶ್ರೀ ಧೂಮಾವತಿ ಕ್ಷೇತ್ರದ ವಠಾರದಲ್ಲಿ ಶ್ರೀ ಧೂಮಾವತಿ, ಶ್ರೀ ರಕ್ತೇಶ್ವರಿ ಮತ್ತು ಶ್ರೀ ವ್ಯಾಘ್ರ ಚಾಮುಂಡಿ ಹಾಗೂ ಪರಿವಾರ ದೈವಗಳ ನೇಮೋತ್ಸವ ವಿಜೃಂಭಣೆಯಿಂದ ನಡೆಯಿತು.
ಬೆಳಿಗ್ಗೆ ಗಣಪತಿ ಹೋಮ, ವಾರ್ಷಿಕ ತಂಬಿಲ ಸೇವೆ, ಸಂಜೆ ದೈವಸ್ಥಾನಗಳಿಂದ ಭಂಡಾರ ತೆಗೆದು ನೇಮೋತ್ಸವ ನಡೆಯಿತು. ಈ ಸಂದರ್ಭದಲ್ಲಿ ಭಕ್ತಾದಿಗಳಿಗೆ ಅನ್ನಸಂತರ್ಪಣೆ ನಡೆಯಿತು. ಕುತ್ಯಾಡಿ ಶ್ರೀಹರಿ ಭಟ್ ಮತ್ತು ಮನೆಯವರು, ಗುತ್ತು ಬಾರಿಕೆಯ ಮುಖ್ಯಸ್ಥರು ಹಾಗೂ ನೂರಾರು ಮಂದಿ ಭಕ್ತಾದಿಗಳು ಉಪಸ್ಥಿತರಿದ್ದರು.
