ಸ್ವ-ಹಿತ ಮೀರಿದ ಸೇವೆ ನಮ್ಮದಾಗಲಿ-ವಿಕ್ರಂ ದತ್ತ
ಪುತ್ತೂರು: ಯಾರು ಕಷ್ಟ-ಕಾರ್ಪಣ್ಯದಲ್ಲಿರುತ್ತಾರೋ ಅವರ ಕಷ್ಟ-ಸುಖದಲ್ಲಿ ಭಾಗಿಯಾಗಿ ಸ್ಪಂದಿಸುವ ಗುಣ ನಮ್ಮಲ್ಲಿರಬೇಕು. ಅಂತರ್ರಾಷ್ಟ್ರೀಯ ರೋಟರಿ ಸಂಸ್ಥೆಯ ಧ್ಯೇಯವೇ ಸ್ವ-ಹಿತ ಮೀರಿದ ಸೇವೆ. ನಾವು ನಮ್ಮ ಏಳಿಗೆಯನ್ನು ಬಯಸದೆ ರೋಟರಿ ಧ್ಯೇಯ ಏನಿದೆಯೋ ಅವನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಸಮಾಜವನ್ನು ಅಭಿವೃದ್ಧಿಯತ್ತ ಕೊಂಡೊಯ್ಯೋಣ ಎಂದು ರೋಟರಿ ಜಿಲ್ಲಾ ಗವರ್ನರ್ ವಿಕ್ರಂ ದತ್ತರವರು ಹೇಳಿದರು.
ನೆಹರುನಗರ ಸುದಾನ ವಸತಿಯುತ ಶಾಲೆಯ ಎಡ್ವರ್ಡ್ ಸಭಾಂಗಣದಲ್ಲಿ ಜ.30 ರಂದು ಸಂಜೆ ಜರಗಿದ ಅಂತರ್ರಾಷ್ಟ್ರೀಯ ರೋಟರಿ ಜಿಲ್ಲೆ 3181, ವಲಯ ಐದರ ರೋಟರಿ ಕ್ಲಬ್ ಪುತ್ತೂರು ಸ್ವರ್ಣಗೆ ರೋಟರಿ ಜಿಲ್ಲಾ ಗವರ್ನರ್ ಅಧಿಕೃತ ಭೇಟಿ ಕಾರ್ಯಕ್ರಮದಲ್ಲಿ ಅವರು ಕ್ಲಬ್‌ನ ವಿವಿಧ ಸಮಾಜಮುಖಿ ಕಾರ್ಯಕ್ರಮಗಳಿಗೆ ಚಾಲನೆ ನೀಡಿ ಮಾತನಾಡಿದರು. ಪ್ರಸಕ್ತ ಸನ್ನಿವೇಶದಲ್ಲಿ ಸರಕಾರಿ ಶಾಲೆಗಳು ವಿದ್ಯಾರ್ಥಿಗಳಿಲ್ಲದೆ ಮುಚ್ಚುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ. ಆದರೂ ಇಲ್ಲಿನ ಕೊಂಬೆಟ್ಟು ಹಾಗೂ ಹಾರಾಡಿ ಶಾಲೆಯಲ್ಲಿ ವಿದ್ಯಾರ್ಥಿಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವುದು ನೋಡಿದಾಗ ಸರಕಾರಿ ಶಾಲೆಗಳೂ ಉತ್ತಮ ಗುಣಮಟ್ಟದಲ್ಲಿ ಕಾರ್ಯಾಚರಿಸುತ್ತಿವೆ ಎನ್ನುವುದಕ್ಕೆ ಪುತ್ತೂರಿನ ಮಣ್ಣಿನ ಗುಣ ಅಂತಹುದು ಎಂದು ತಿಳಿಯುತ್ತದೆ. ಎಲ್ಲಿ ಉತ್ತಮ ಶಿಕ್ಷಕರಿದ್ದಾರೋ ಅಲ್ಲಿ ಶಾಲೆ ಅಭಿವೃದ್ಧಿಯತ್ತ ಸಾಗಬಲ್ಲುದು ಎಂದರು.
147 ಸಮಾಜಮುಖಿ ಕಾರ್ಯಕ್ರಮ ಹಮ್ಮಿಕೊಂಡಿರುವುದು ಹೆಗ್ಗಳಿಕೆ-ಸೂರ್ಯನಾಥ ಆಳ್ವ:
ರೋಟರಿ ಅಸಿಸ್ಟೆಂಟ್ ಗವರ್ನರ್ ಸೂರ್ಯನಾಥ ಆಳ್ವರವರು ಕ್ಲಬ್ ಬುಲೆಟಿನ್ ಅನಾವರಣಗೊಳಿಸಿ ಮಾತನಾಡಿ, ರೋಟರಿ ಸ್ವರ್ಣ ದಶಮಾನೋತ್ಸವವನ್ನು ಆಚರಿಸುತ್ತಿದ್ದು ಪ್ರಸ್ತುತ ವರ್ಷ ಅಧ್ಯಕ್ಷರಾಗಿರುವ ಸುರೇಶ್‌ರವರು ನಿಜಕ್ಕೂ ಸ್ವರ್ಣನೇ ಆಗಿದ್ದಾರೆ. ಸಣ್ಣ ಕ್ಲಬ್ ಆದರೂ 147ಸಮಾಜಮುಖಿ ಕಾರ್ಯಕ್ರಮ ಹಮ್ಮಿಕೊಂಡಿರುವುದು ಹೆಗ್ಗಳಿಕೆಯೇ ಆಗಿದೆ. ಓರ್ವ ಸರಕಾರಿ ನೌಕರರಾಗಿದ್ದು ಕ್ಲಬ್‌ನ ಚಟುವಟಿಕೆಗಳಿಗೆ ಸಮಯ ಮೀಸಲಿಟ್ಟಿರುವುದು ಅಧ್ಯಕ್ಷ ಸುರೇಶ್‌ರವರಿಗಿರುವ ಕಾಳಜಿಯನ್ನು ಮೆಚ್ಚುವಂತಹುದು ಎಂದರು.
ಸಮಾಜಸೇವೆಯೇ ಅಧ್ಯಕ್ಷ ಸುರೇಶ್‌ರವರ ಕಾಳಜಿ ಮೆಚ್ಚುವಂತಹುದು-ವೆಂಕಟ್ರಮಣ ಗೌಡ:
ರೋಟರಿ ವಲಯ ಸೇನಾನಿ ವೆಂಕಟ್ರಮಣ ಗೌಡ ಕಳುವಾಜೆ ಮಾತನಾಡಿ, ಕ್ಲಬ್ ಅಧ್ಯಕ್ಷ ಸುರೇಶ್ ಪಿ.ರವರು ಸಮಾಜಕ್ಕೆ ತನ್ನಿಂದ ಏನಾದರೂ ಕೊಡುಗೆ ನೀಡಬೇಕು ಎನ್ನುವ ದೃಷ್ಟಿಕೋನವನ್ನು ಇಟ್ಟುಕೊಂಡು ಸಮಾಜಸೇವೆಯನ್ನು ಮುಂದುವರೆಸುತ್ತಾ ಬಂದಿದ್ದಾರೆ ಮಾತ್ರವಲ್ಲ ಅವರ ಮಾತೃಶಿಯನ್ನು ಕಾರ್ಯಕ್ರಮದಲ್ಲಿ ಗೌರವಿಸಿರುವುದು ಅವರ ಹೆಗ್ಗಳಿಕೆಯಾಗಿದೆ. ರೋಟರಿ ಸದಸ್ಯರು ರೋಟರಿ ಸಂಸ್ಥೆಯ ನಿಯಮಗಳನ್ನು ತಿಳಿಯುವವರಾಗಬೇಕು ಎಂದರು.
ಸ್ವರ್ಣದ ಸಮಾಜಮುಖಿ ಕಾರ್ಯಕ್ರಮ ಡಿಜಿರವರಿಂದ ಶ್ಲಾಘನೆ-ಚಿದಾನಂದ ಬೈಲಾಡಿ:
ಕ್ಲಬ್ ಜಿ.ಎಸ್.ಆರ್ ಚಿದಾನಂದ ಬೈಲಾಡಿ ಮಾತನಾಡಿ, ರೋಟರಿ ಜಿಲ್ಲಾ ಗವರ್ನರ್ ವಿಕ್ರಂ ದತ್ತರವರು ಇತ್ತೀಚಿಗೆ ಜಿಲ್ಲಾ ಕಾನ್ಫರೆನ್ಸ್ ಅನ್ನು ಯಶಸ್ವಿಗೊಳಿಸಿದ್ದರು. ರೋಟರಿ ಸ್ವರ್ಣ ಕ್ಲಬ್ 210 ದಿನಗಳಲ್ಲಿ 147 ಸಮಾಜಮುಖಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಡಿಜಿಯವರಿಂದ ಶ್ಲಾಘನೆಗೆ ಒಳಪಟ್ಟಿರುವುದು
ಸೇರ್ಪಡೆ:
ಕ್ಲಬ್ ಸರ್ವಿಸ್‌ನಡಿಯಲ್ಲಿ ಉದ್ಯಮಿ ಕಿರಣ್ ಕುಮಾರ್‌ರವರನ್ನು ಜಿಲ್ಲಾ ಗವರ್ನರ್ ವಿಕ್ರಂ ದತ್ತರವರು ರೋಟರಿ ಪಿನ್ ತೊಡಿಸಿ ಕ್ಲಬ್‌ಗೆ ಅಧಿಕೃತವಾಗಿ ಸೇರ್ಪಡೆಗೊಳಿಸಿದರು.
ಸೇವಾ ಚಟುವಟಿಕೆಗಳು:
ಸಮುದಾಯ ಸೇವಾ ವಿಭಾಗದಡಿಯಲ್ಲಿ ರೋಟರಿ ಭೀಷ್ಮ ಕೆ.ಆರ್ ಶೆಣೈರವರ ಪ್ರಾಯೋಜಕತ್ವದಲ್ಲಿ ಶ್ರೀ ರಾಮಕೃಷ್ಣ ಆಶ್ರಮದ ಒಂದು ಮಗುವಿನ ಒಂದು ವರ್ಷದ ದತ್ತು ಸ್ವೀಕಾರಕ್ಕೆ ದೇಣಿಗೆ, ರೋಟರಿ ಪುತ್ತೂರು ಮಾಜಿ ಅಧ್ಯಕ್ಷ ಎ.ಜೆ ರೈರವರ ಪ್ರಾಯೋಜಕತ್ವದಲ್ಲಿ ಬೀರಮಲೆ ಪ್ರಜ್ಞಾ ಆಶ್ರಮಕ್ಕೆ ಧನಸಹಾಯದ ಕೊಡುಗೆಯನ್ನು ಈ ಸಂದರ್ಭದಲ್ಲಿ ಹಸ್ತಾಂತರಿಸಲಾಯಿತು.
ಎಂಪಿಎಚ್‌ಎಫ್/ಪಿಎಚ್‌ಎಫ್ ಗೌರವ:
ಅಂತರರಾಷ್ಟ್ರೀಯ ರೋಟರಿ ಫೌಂಡೇಶನ್‌ಗೆ ದೇಣಿಗೆ ನೀಡಿ ಪಿಎಚ್‌ಎಫ್/ಎಂಪಿಎಚ್‌ಎಫ್ ಪದವಿ ಪಡೆದ ಸದಸ್ಯರಾದ ಕೆ.ಪಿ ನಾರಾಯಣ ರೈ, ಅಧ್ಯಕ್ಷ ಸುರೇಶ್ ಪಿ(ಎಂಪಿಎಚ್‌ಎಫ್), ಕೆ.ಭಾಸ್ಕರ ಕೋಡಿಂಬಾಳ(ಎಂಪಿಎಚ್‌ಎಫ್), ದೀಪಕ್ ಬೊಳ್ವಾರು, ಸುನಿಲ್ ಜಾಧವ್, ವಿಜಯ್ ಡಿ’ಸೋಜರವರುಗಳನ್ನು ಡಿಜಿ ವಿಕ್ರಂ ದತ್ತರವರು ಅಭಿನಂದಿಸಿದರು.
ಕ್ರೀಡಾ ಸಮವಸ್ತ್ರ ಬಿಡುಗಡೆ:
ಫೆಬ್ರವರಿ ತಿಂಗಳಲ್ಲಿ ಆರ್ಯಾಪುನಲ್ಲಿ ನಡೆಯಲಿರುವ ಆರ್ಯಾಪು ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾಟದಲ್ಲಿ ಭಾಗವಹಿಸಲಿರುವ ಸ್ವರ್ಣ ಸ್ಟೈಕರ್ಸ್ ಪುತ್ತೂರು ತಂಡದ ಕ್ರೀಡಾ ಸಮವಸ್ತ್ರವನ್ನು ಯೂತ್ ಸರ್ವಿಸ್‌ನಡಿಯಲ್ಲಿ ಡಿಜಿ ವಿಕ್ರಂ ದತ್ತರವರು ಬಿಡುಗಡೆಗೊಳಿಸಿ, ಶುಭ ಹಾರೈಸಿದರು.
ಕ್ಲಬ್ ಸದಸ್ಯ ಅಶೋಕ್ ಆಚಾರ್ಯ ಪ್ರಾರ್ಥಿಸಿದರು. ಕಾರ್ಯದರ್ಶಿ ಸೆನೋರಿಟಾ ಆನಂದ್ ಕ್ಲಬ್ ವರದಿ ಮಂಡಿಸಿದರು. ಇತ್ತೀಚೆಗೆ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿದ ಸದಸ್ಯ ಕೆ.ಪಿ ನಾರಾಯಣ ರೈರವರನ್ನು ಗೌರವಿಸಲಾಯಿತು. ಕ್ಲಬ್ ಸರ್ವಿಸ್ ನಿರ್ದೇಶಕ ಕೆ.ಭಾಸ್ಕರ ಕೋಡಿಂಬಾಳ, ಕಮ್ಯೂನಿಟಿ ಸರ್ವಿಸ್ ನಿರ್ದೇಶಕ ಸುಧಾಕರ ಕೆ.ನಿಡ್ವಣ್ಣಾಯ, ಅಂತರ್ರಾಷ್ಟ್ರೀಯ ಸೇವಾ ನಿರ್ದೇಶಕ ದಿನೇಶ್ ಆಚಾರ್ಯ, ಯೂತ್ ಸರ್ವಿಸ್ ನಿರ್ದೇಶಕ ಸುನಿಲ್ ಜಾಧವ್, ವೃತ್ತಿ ಸೇವಾ ನಿರ್ದೇಶಕ ಮಹಾಬಲ ಗೌಡರವರು ವಿವಿಧ ಕಾರ್ಯಕ್ರಮ ನಿರ್ವಹಿಸಿದರು. ಜಿಲ್ಲಾ ಗವರ್ನರ್ ವಿಕ್ರಂ ದತ್ತರವರ ಪರಿಚಯವನ್ನು ದೀಪಕ್ ಬೊಳ್ವಾರುರವರು ನೀಡಿದರು. ಸಾರ್ಜಂಟ್ ಎಟ್ ಆರ್ಮ್ಸ್ ಸುಭಾಷ್ ರೈ ಬೆಳ್ಳಿಪ್ಪಾಡಿ ವಂದಿಸಿದರು. ಕ್ಲಬ್ ಬುಲೆಟಿನ್ ಸಂಪಾದಕ ಮಹೇಶ್ ಕೆ.ಸವಣೂರು ಹಾಗೂ ಆಶಾ ರೆಬೆಲ್ಲೋ ಕಾರ್ಯಕ್ರಮ ನಿರೂಪಿಸಿದರು.
ಸನ್ಮಾನ..
ವೊಕೇಶನಲ್ ಸರ್ವಿಸ್‌ನಡಿಯಲ್ಲಿ ರೋಟರಿ ಸ್ವರ್ಣದ ಅಧ್ಯಕ್ಷ ಸುರೇಶ್ ಪಿ.ರವರ ತಾಯಿ, 80ವರ್ಷದ ಮುದರ ಆರ್ಯಾಪು ಹಾಗೂ ಗ್ಯಾರೇಜ್ ವೃತ್ತಿ ಮಾಡಿಕೊಂಡು ನಿವೃತ್ತರಾದ 75 ವರ್ಷದ ಮೋಹನ್ ನಾಯಕ್ ಬನ್ನೂರುರವರನ್ನು ಈ ಸಂದರ್ಭದಲ್ಲಿ ಶಾಲು ಹೊದಿಸಿ ಸನ್ಮಾನಿಸಲಾಯಿತು.
ಡಿ.ಜಿ ಕಾರ್ಯಕ್ರಮ..
ಪುತ್ತೂರು ಶ್ರಿ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಜಿಲ್ಲಾ ಗವರ್ನರ್ ವಿಕ್ರಂ ದತ್ತರವರನ್ನು ಕ್ಲಬ್ ಪದಾಧಿಕಾರಿಗಳು ಹಾಗೂ ಸದಸ್ಯರು ಸ್ವಾಗತಿಸಿ, ಬಳಿಕ ಹಾರಾಡಿ ಸರಕಾರಿ ಶಾಲೆಯಲ್ಲಿ ಧ್ವಜಸ್ತಂಭವನ್ನು ಉದ್ಘಾಟಿಸಿದರು. ಮಾಜಿ ಅಧ್ಯಕ್ಷ ಭಾಸ್ಕರ ಕೋಡಿಂಬಾಳರವರ ಮನೆಯಲ್ಲಿ ಫಲಾಹಾರ ಸ್ವೀಕರಿಸಿ ಬಳಿಕ ಕೊಂಬೆಟ್ಟು ಸರಕಾರಿ ಕಾಲೇಜಿನಲ್ಲಿ ಸ್ಯಾನಿಟರಿ ಬರ್ನಿಂಗ್ ನ್ಯಾಪ್ಕಿನ್ ಮೆಷಿನ್ ಹಸ್ತಾಂತರ, ಉಪ್ಪಳಿಗೆ ಸರಕಾರಿ ಪ್ರೌಢಶಾಲೆಯಲ್ಲಿ ಊಟದ ಬಟ್ಟಲು ಹಾಗೂ ಸ್ಟ್ಯಾಂಡ್ ಹಸ್ತಾಂತರ, ಮಧ್ಯಾಹ್ನ ಬೀರಮಲೆ ಪ್ರಜ್ಞಾ ಆಶ್ರಮದ ವಿಶೇಷ ಚೇತನರೊಂದಿಗೆ ಭೋಜನ, ಸಂಜೆ ಕ್ಲಬ್ ಅಸೆಂಬ್ಲಿಯಲ್ಲಿ ಡಿಜಿ ವಿಕ್ರಂ ದತ್ತರವರು ಪಾಲ್ಗೊಂಡರು.
140ಕ್ಕೂ ಮಿಕ್ಕಿ ಪ್ರಾಜೆಕ್ಟ್‌ಗಳು..
ರೋಟರಿ ಪುತ್ತೂರು ತನ್ನ ಸುವರ್ಣ ವರ್ಷದ ಸಂಭ್ರಮದ ಹೊಸ್ತಿಲಲ್ಲಿರುವಾಗ ರೋಟರಿ ಸ್ವರ್ಣ ಕ್ಲಬ್ ಅನ್ನು ಸಮಾಜಕ್ಕೆ ಉದಯಿಸಿದರು. ಪ್ರಸಕ್ತ ಸ್ವರ್ಣ ಕ್ಲಬ್ ದಶಮಾನೋತ್ಸವವನ್ನು ಆಚರಿಸುತ್ತಿದ್ದು ಪ್ರಸ್ತುತ ಹತ್ತನೇ ವರ್ಷದ ಅಧ್ಯಕ್ಷನಾಗಿ ತಾನು ಕ್ಲಬ್‌ನ ಸರ್ವ ಸದಸ್ಯರ ಸಹಕಾರದೊಂದಿಗೆ ಮುನ್ನೆಡೆಸುತ್ತಿದ್ದೇನೆ. ಈಗಾಗಲೇ ನಮ್ಮ ಕ್ಲಬ್ 140ಕ್ಕೂ ಮಿಕ್ಕಿ ಪ್ರಾಜೆಕ್ಟ್‌ಗಳನ್ನು ಹಮ್ಮಿಕೊಂಡಿದ್ದೇವೆ ಎಂದು ಹೇಳಲು ಸಂತೋಷವಾಗುತ್ತಿದೆ.
–ಸುರೇಶ್ ಪಿ, ಅಧ್ಯಕ್ಷರು, ರೋಟರಿ ಕ್ಲಬ್ ಪುತ್ತೂರು ಸ್ವರ್ಣ
