ಪುತ್ತೂರು: ಶ್ರೀ ಸತ್ಯಸಾಯಿ ಸೇವಾ ಸಮಿತಿ ಮತ್ತು ಬೈಂದೂರು ಪ್ರಭಾಕರ್ ರಾವ್ ಮೆಮೋರಿಯಲ್ ಟ್ರಸ್ಟ್ ನಡೆಸುತ್ತಿರುವ ಸತ್ಯಸಾಯಿ ಶಿಶುವಿಕಾಸ ಕೇಂದ್ರದ ವಾರ್ಷಿಕ ಮಕ್ಕಳ ಹಬ್ಬ ಶ್ರೀ ಸತ್ಯಸಾಯಿ ಮಂದಿರದಲ್ಲಿ ಬಾಬಾ ಪಾದ ಸ್ಪರ್ಷ ಮಾಡಿದ ದಿನ ಜ.30 ರಂದು ಜರುಗಿತು.
ಮುಖ್ಯ ಅಭ್ಯಾಗತರಾಗಿ ಭಾಗವಹಿಸಿದ ಮುಳಿಯ ಜುವೆಲ್ಸ್ ನಿರ್ದೇಶಕಿ ಕೃಷ್ಣ ವೇಣಿ ಪ್ರಸಾದ್ ರವರು ಮಾತನಾಡುತ್ತಾ ಇಂದಿನ ಇಂಟರ್ನೆಟ್ ಯುಗದಲ್ಲಿ ನಮ್ಮ ಮಕ್ಕಳು ಸಮಾಜವನ್ನು ಪ್ರೀತಿಸಲು ಕಲಿಸಬೇಕು ಹಾಗೂ ಮೊಬೈಲ್ ವ್ಯಸನಿಗಳಾಗದಂತೆ ಜಾಗ್ರತೆ ವಹಿಸಬೇಕಾಗಿದೆ ಎಂದು ಪೋಷಕರಿಗೆ ಕಿವಿಮಾತು ಹೇಳಿದರು. ನಿಸ್ವಾರ್ಥ ಪ್ರೇಮವನ್ನು ಶ್ರೀ ಸತ್ಯಸಾಯಿ ಸಂಸ್ಥೆಗಳ ಸದಸ್ಯರಲ್ಲಿ ಕಾಣಬಹುದಾಗಿದೆ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶ್ರೀ ಸತ್ಯಸಾಯಿ ಸೇವಾ ಸಂಸ್ಥೆಗಳ ಜಿಲ್ಲಾಧ್ಯಕ್ಷ ಪ್ರಸನ್ನ ಯನ್ ಭಟ್ ವಹಿಸಿದ್ದರು. ಕಾಂಚನಮಾಲಾ ಪ್ರಾರ್ಥಿಸಿದರು. ಡಾ| ಸತ್ಯಸುಂದರ ರಾವ್ ಸ್ವಾಗತಿಸಿದರು. ಮುಖ್ಯೋಪಾಧ್ಯಾಯಿನಿ ಚಂದ್ರಕಲಾ ವರದಿ ವಾಚಿಸಿದರು. ಅಧ್ಯಾಪಿಕೆಯರಾದ ಹೇಮಾವತಿ, ಚಿತ್ರಾಕ್ಷಿ ಮತ್ತು ಶಿಲ್ಪಶ್ರೀ ಸಹಕರಿಸಿದರು. ಸಮಿತಿ ಸಂಚಾಲಕ ದಯಾನಂದ ಕೆ ಯಸ್ ಕಾರ್ಯಕ್ರಮ ನಿರೂಪಿಸಿದರು.
ಬಳಿಕ ಪುಟಾಣಿ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.
