ಪುತ್ತೂರು: ಬ್ರಹ್ಮಶ್ರೀ ಮಿತ್ತೂರು ಪುರೋಹಿತ ತಿಮ್ಮಯ್ಯ ಭಟ್ಟ ಸಂಪ್ರತಿಷ್ಠಾನದ ನೂತನ ಕಾರ್ಯಭವನದ ಲೋಕಾರ್ಪಣೆಯ ಪೂರ್ವಭಾವಿಯಾಗಿ ಹೊರೆಕಾಣಿಕೆ ಸಮರ್ಪಣೆಯು ಕಾರ್ಯಭವನದಲ್ಲಿ ನಡೆಯಿತು.
ಶ್ರೀ ಕ್ಷೇತ್ರ ಕಟೀಲು, ಸೌತಡ್ಕ, ಧರ್ಮಸ್ಥಳವಲ್ಲದೆ, ಅನೇಕ ಅಭಿಮಾನಿಗಳಿಂದ ಹೊರೆಕಾಣಿಕೆ ಸಮರ್ಪಿತವಾಯಿತು. ಅನಂತರ ನಡೆದ ಸಭಾಕಾರ್ಯಕ್ರಮದಲ್ಲಿ, ಬಿ ರಮೇಶ ಭಟ್ ಅಧ್ಯಕ್ಷತೆ ವಹಿಸಿದ್ದರು. ತಿರುಮಲೇಶ್ವರ ಭಟ್ ವಾಲ್ತಜೆ ಶುಭ ಹಾರೈಸಿದರು. ಡಾ.ಪಾದೇಕಲ್ಲು ವಿಷ್ಣು ಭಟ್, ಮಿತ್ತೂರು ಭೀಮ ಭಟ್, ವಾಲ್ತಜೆ ಸತ್ಯನಾರಾಯಣ ಭಟ್ ಉಪಸ್ಥಿತರಿದ್ದರು. ಪಿ ತಿರುಮಲೇಶ್ವರ ಭಟ್ ಸ್ವಾಗತಿಸಿದರು. ಎಂ ಎಸ್ ನಾರಾಯಣ ಭಟ್ ಧನ್ಯವಾದಗೈದರು. ಶ್ರೀ ಶ್ರೀಹರಿ ಶರ್ಮ ಪಾದೇಕಲ್ಲು ಕಾರ್ಯಕ್ರಮ ನಿರೂಪಿಸಿದರು.
