ಪುತ್ತೂರು: ಲಯನ್ಸ್ ಕ್ಲಬ್ ಪುತ್ತೂರು ಕ್ರೌನ್ ವತಿಯಿಂದ ಕ್ಲಬ್ ನ ಸಮಾಜ ಸೇವಾ ನಿಧಿ ಸಂಗ್ರಹಕ್ಕಾಗಿ ಕಿಲ್ಲೆ ಮೈದಾನದಲ್ಲಿ ದೀಪಾವಳಿ ಪ್ರಯುಕ್ತ ನಡೆದ ಪರಿಸರ ಸ್ನೇಹಿ ಪಟಾಕಿ ಸ್ಟಾಲ್ ಇದರ ಅದೃಷ್ಟ ಗ್ರಾಹಕರಿಗಾಗಿ ಲಕ್ಕಿಡಿಪ್ ಅನ್ನು ಏರ್ಪಡಿಸಿದ್ದರು.
ರೂ.500ರ ಖರೀದಿಗೆ ಒಂದು ಕೂಪನ್, ವಿಜೇತರಿಗೆ ಸೈಕಲ್ ಬಹುಮಾನವಾಗಿ ನೀಡಲಾಗುತ್ತದೆ ಎಂಬಂತೆ ಮುದ್ರಿಸಲಾಗಿತ್ತು. ಈ ಲಕ್ಕಿಡಿಪ್ ಡ್ರಾವನ್ನು ಪುತ್ತೂರು ಗ್ರಾಮಾಂತರ ಪೊಲೀಸ್ ಠಾಣೆಯ ಹರೀಶ್ ಗೌಡ ಎನ್.ರವರು ಚೀಟಿ ಎತ್ತುವ ಮೂಲಕ ಅದೃಷ್ಟ ಗ್ರಾಹಕ(ನಂ.1226)ನನ್ನು ಆಯ್ಕೆ ಮಾಡಲಾಯಿತು. ಈ ಸಂದರ್ಭದಲ್ಲಿ ಲಯನ್ಸ್ ಕ್ಲಬ್ ಪುತ್ತೂರು ಕ್ರೌನ್ ಅಧ್ಯಕ್ಷೆ ವಿಲ್ಮಾ ಗೊನ್ಸಾಲ್ವಿಸ್, ಕಾರ್ಯದರ್ಶಿ ಲೀನಾ ಮಚಾದೋ, ಜೊತೆ ಕಾರ್ಯದರ್ಶಿ ನಿಶಾ ಮಿನೇಜಸ್, ಕೋಶಾಧಿಕಾರಿ ವಿಕ್ಟರ್ ಶರೋನ್ ಡಿ’ಸೋಜ, ಲಯನ್ಸ್ ಕ್ಲಬ್ ಪುತ್ತೂರು ಕ್ರೌನ್ ಸ್ಥಾಪಕರಾದ ಲ್ಯಾನ್ಸಿ ಮಸ್ಕರೇನ್ಹಸ್, ಕ್ಲಬ್ ಸದಸ್ಯರಾದ ರೋಶನ್ ಡಾಯಸ್, ಬಬಿತ ಡಾಯಸ್, ಆನ್ಸ್ಟನ್ ಮಸ್ಕರೇನ್ಹಸ್, ರಿಯೋನ್, ರಿಶೋನ್ ಉಪಸ್ಥಿತರಿದ್ದರು.
