ಪುತ್ತೂರು: ಮಂಗಳೂರಿನ ನೆಹರೂ ಮೈದಾನದಲ್ಲಿ ನ.1ರಂದು ದ.ಕ.ಜಿಲ್ಲಾಡಳಿತದ ವತಿಯಿಂದ ನಡೆದ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ದ.ಕ.ಜಿಲ್ಲೆಯ ವಿವಿಧ ಕ್ಷೇತ್ರಗಳ ಸಾಧಕರು ಹಾಗೂ ಸಂಘಸಂಸ್ಥೆಗಳಿಗೆ ದ.ಕ.ಜಿಲ್ಲಾ ಮಟ್ಟದ ರಾಜ್ಯೋತ್ಸವ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಅನಿವಾಸಿ ಭಾರತೀಯ ಉದ್ಯಮಿ ಕೆದಂಬಾಡಿ ಗ್ರಾಮದ ಮಿತ್ರಂಪಾಡಿ ಜಯರಾಮ ರೈ ಅಬುದಾಬಿ(ಸಮಾಜ ಸೇವೆ), ಉಪ್ಪಿನಂಗಡಿಯ ಕೃಷ್ಣಪ್ರಸಾದ್ ದೇವಾಡಿಗ(ಸಂಗೀತ), ನರಿಮೊಗರು ಗ್ರಾಮದ ಗುರುಪ್ರಿಯಾ ನಾಯಕ್(ಸಂಗೀತ), ವಿಟ್ಲ ಪೆರುವಾಯಿಯ ವಿಲ್ಫ್ರೆಡ್ ಡಿಸೋಜ(ಪತ್ರಿಕೋದ್ಯಮ) ನೆಲ್ಯಾಡಿಯ ಗಂಗಾಧರ ಶೆಟ್ಟಿ ಹೊಸಮನೆ(ಸಮಾಜ ಸೇವೆ) ಹಾಗೂ ವಿಟ್ಲ ಚಂದಳಿಕೆಯ ದೇಜಪ್ಪ ಪೂಜಾರಿ ನಿಡ್ಯ(ಕಲೆ)ರವರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ಜಿಲ್ಲಾ ಉಸ್ತುವಾರಿ ಸಚಿವ ಸುನಿಲ್ ಕುಮಾರ್, ಸಂಸದ ನಳಿನ್ ಕುಮಾರ್ ಕಟೀಲ್, ದ.ಕ.ಜಿಲ್ಲಾಧಿಕಾರಿ ಡಾ.ಕುಮಾರ್, ಶಾಸಕರು, ಗಣ್ಯರು ಉಪಸ್ಥಿತರಿದ್ದರು.
