ಬ್ರಹತ್ ಗಾತ್ರದ ಕ್ರೇನ್, ಹಿಟಾಚಿ ಬಳಕೆ, ನೂರಾರು ಕಾರ್ಮಿಕರಿಂದ ಮದ್ಯಾಹ್ನದ ಒಳಗಾಗಿ ಕೆಲಸ ಪೂರ್ಣ !
ಪುತ್ತೂರು: ಮಂಗಳೂರು ಬೆಂಗಳೂರು ಸೇರಿದಂತೆ, ಲೋಕಲ್ ಸಹಿತ ದಿನವಿಡೀ 30 ಕ್ಕೂ ಅಧಿಕ ರೈಲು ಸಂಚರಿಸುವ ಕಬಕ ಪುತ್ತೂರು ರೈಲು ಹಾದಿಯಲ್ಲಿ ಅಂಡರ್ ಪಾಸ್ ನಿರ್ಮಾಣದ ಪ್ರಮುಖ ಕಾಮಗಾರಿಯಾಗಿ ರಸ್ತೆ ಸಂಪರ್ಕದ ಕೆಲಸ ನ.19 ರ ಬೆಳ್ಳಂಬೆಳಗೆ ಆರಂಭಗೊಂಡಿದೆ.
ರೈಲ್ವೆ ಹಳಿಗಳನ್ನು ತೆಗೆದು, ಗುಂಡಿ ತೆಗೆದು ಸಿದ್ಧ ಕಾಂಕ್ರೀಟ್ ಸ್ಲ್ಯಾಬ್ಗಳನ್ನು ಅಳವಡಿಸುವ ಕೆಲಸ ನಡೆಯುತ್ತದೆ. ಬಳಿಕ ಮೊದಲಿನಂತೆ ರೈಲು ಮಾರ್ಗ ಹೇಗಿತ್ತೋ ಹಾಗೆಯೇ ಹಾಕಿ ಹಳಿಗಳನ್ನು ಜೋಡಿಸಿ ರೈಲು ಸಂಚರಿಸಲು ಅನುವು ಮಾಡಿಕೊಡಲಾಗುತ್ತದೆ. ಕಾಮಗಾರಿಗಾಗಿ ಎರಡು ದೊಡ್ಡ ಕ್ರೇನ್‌ಗಳು, ಐದಾರು ಹಿಟಾಚಿ, ಜೆಸಿಬಿಗಳು, ಟಿಪ್ಪರ್‌ಗಳನ್ನು ಈ ಕಾಮಗಾರಿಗೆ ಬಳಸಲಾಗುತ್ತಿದೆ.
