ಗಾಂಜಾ ಸೇವನೆ ಆರೋಪಿ ಸೆರೆ

ಕಡಬ: ಕಡಬ ತಾಲೂಕಿನ ಕಳಾರ ಎಂಬಲ್ಲಿ ಬುಧವಾರ ರಾತ್ರಿ ಗಾಂಜಾ ಸೇವಿಸಿ ತೂರಾಡುತ್ತಿದ್ದ ವ್ಯಕ್ತಿಯೋರ್ವನನ್ನು ಪೊಲೀಸರು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಕೋಡಿಂಬಾಳ ಗ್ರಾಮದ ಕುತ್ಯಾಡಿ ನಿವಾಸಿ ಹೈದರ್ ಯು ಎಂ ಎಂಬವರ ಪುತ್ರ ಮಿರ್ಷಾದ್ (35) ಬಂಧಿತ ಅರೋಪಿ. ಠಾಣಾ ಉಪನಿರೀಕ್ಷಕ ಹರೀಶ್.ಆರ್ ಹಾಗು ಪೊಲೀಸರು ರಾತ್ರಿ ಗಸ್ತು ತಿರುಗುತ್ತಿದ್ದ ವೇಳೆ ಅರೋಪಿತ ವ್ಯಕ್ತಿ ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದು, ವಿಚಾರಿಸಿ ವೈದ್ಯಕೀಯ ಪರೀಕ್ಷೆಗೊಳಪಡಿಸಿದಾಗ ಗಾಂಜಾ ಸೇವಿಸಿರುವುದು ದೃಢಪಟ್ಟಿದೆ.

ಈ ಹಿನ್ನೆಲೆಯಲ್ಲಿ ಈತನ ವಿರುದ್ದ ಅ.ಕ್ರ: 14/2023.ಕಲಂ:27 (B) NDPS Act-1985ಯಂತೆ ಪ್ರಕರಣ ದಾಖಲಾಗಿದೆ