ಬೆಟ್ಟಂಪಾಡಿ: ಇಲ್ಲಿನ ಮೊದೆಲ್ಕಾಡಿ ಕುಟುಂಬದ ಧರ್ಮದೈವ ಶ್ರೀ ಅಣ್ಣಪ್ಪ ಪಂಜುರ್ಲಿ ಹಾಗೂ ಪರಿವಾರ ದೈವಗಳ ಕಾಲಾವಧಿ ನೇಮೋತ್ಸವ ಏ.27 ಮತ್ತು 28 ರಂದು ಜರಗಿತು.
ಏ. 27ರಂದು ಬೆಳಿಗ್ಗೆ ಗಣಹೋಮ, ಹರಿಸೇವೆ, ಅನ್ನಸಂತರ್ಪಣೆ ನಡೆದು ರಾತ್ರಿ ದೈವಗಳ ಭಂಡಾರ ತೆಗೆದು ಬಳಿಕ ರಕ್ತೇಶ್ವರಿ ದೈವದ ನೇಮ ಜರಗಿ ಅನ್ನಸಂತರ್ಪಣೆ ನಡೆದು ಬಳಿಕ ವರ್ಣರ ಪಂಜುರ್ಲಿ ದೈವದ ನೇಮ ನಡೆಯಿತು. ಏ. 28 ರಂದು ಬೆಳಿಗ್ಗೆ ಧರ್ಮದೈವ ಅಣ್ಣಪ್ಪ ಪಂಜುರ್ಲಿ ನೇಮೋತ್ಸವ ನಡೆದು ಮಧ್ಯಾಹ್ನ ಅನ್ನಸಂತರ್ಪಣೆ ಜರಗಿ ರಾತ್ರಿ ಪಿತೃಗಳಿಗೆ ಅಗೇಲು ನಡೆದು ರಾತ್ರಿ ಗುಳಿಗ, ಕಲ್ಲುರ್ಟಿ ನೇಮ ನೆರವೇರಿತು. ಮೊದೆಲ್ಕಾಡಿ ಕುಟುಂಬಿಕರು, ಬಂಧು ಮಿತ್ರರು ಪಾಲ್ಗೊಂಡು ದೈವಗಳ ಪ್ರಸಾದ ಸ್ವೀಕರಿಸಿದರು.
