ಪಾಣಾಜೆ: ಅಯೋಧ್ಯೆಯಲ್ಲಿ ಜ.22ರಂದು ನಡೆಯಲಿರುವ ಶ್ರೀರಾಮ ದೇವರ ಪ್ರಾಣ ಪ್ರತಿಷ್ಠೆ ಮಹೋತ್ಸವದ ಅಂಗವಾಗಿ ಶ್ರೀರಾಮ ಜನ್ಮ ಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ ನ ಗ್ರಾಮ ಸಮಿತಿ ವತಿಯಿಂದ ಪಾಣಾಜೆಯ ರಣಮಂಗಲ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ʼಶ್ರೀ ರಾಮೋತ್ಸವʼ ಕಾರ್ಯಕ್ರಮ ನಡೆಯಲಿದೆ.
ಕಾರ್ಯಕ್ರಮದಲ್ಲಿ ಭಜನಾ ತಂಡದ ಸಮಾಗಮದಿಂದ ರಾಮ ಭಜನಾಮೃತ, ವಾಣಿ ಬೈಂಕ್ರೋಡು ಹಾಗೂ ವೀಣಾ ಗುಂಡ್ಯಡ್ಕ ಸಹೋದರಿಯರಿಂದ ರಾಮ ಸಂಗೀತಾಮೃತ, ಕಿಶೋರ್‌ ಪೆರುಮುಖ, ಬಾಬಣ್ಣ, ಪ್ರಹ್ಲಾದ್‌ ಪೆರ್ಲ ತಂಡದವರಿಂದ ರಾಮಾಗಾನಾಮೃತ, ಶ್ರೀರಾಮ ದೇವರ ಪ್ರಾಣ ಪ್ರತಿಷ್ಠಾ ಕಾರ್ಯಕ್ರಮದ ನೇರ ಪ್ರಸಾರ ವೀಕ್ಷಣೆಯೊಂದಿಗೆ ರಾಮತಾರಕ ಮಂತ್ರಪಠಣ, ಮಹಾಪೂಜೆ, ಪ್ರಸಾದ ವಿತರಣೆ, ಮತ್ತು ಅನ್ನ ಸಂತರ್ಪಣೆ ನಡೆಯಲಿದೆ. ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಕಾರ್ಯಕ್ರಮದ ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
