ಪುತ್ತೂರು: ಶರೀಫ್ ಮುಸ್ಲಿಯಾರ್ ಗಡಿಪ್ಪಿಲ ಅವರು ಅಲ್ಪಕಾಲದ ಅಸೌಖ್ಯದಿಂದ ಮಾ.19ರಂದು ಮುಂಜಾನೆ ನಿಧನರಾಗಿದ್ದಾರೆ. ಮೂಲತಃ ಸರ್ವೆ ಗ್ರಾಮದ ಗಡಿಪ್ಪಿಲ ನಿವಾಸಿಯಾಗಿದ್ದ ಶರೀಫ್ ಮುಸ್ಲಿಯಾರ್ ಅವರು ಕಾಸರಗೋಡು ಸಮೀಪದ ಬೇಕಲ್‌ನಲ್ಲಿ ನೆಲೆಸಿದ್ದರು. ಬೇಕಲ್ ಸಮೀಪದ ಮಸೀದಿಯೊಂದರಲ್ಲಿ ಸದರ್ ಆಗಿ ಸೇವೆ ಸಲ್ಲಿಸುತ್ತಿದ್ದ ಶರೀಫ್ ಮುಸ್ಲಿಯಾರ್ ಅವರು ಸ್ಥಳೀಯವಾಗಿ ಎಲ್ಲರಿಗೆ ಚಿರಪರಿಚಿತರಾಗಿದ್ದರು. ಮೃತರು ಪತ್ನಿ ಹಾಗೂ ಆರು ಮಂದಿ ಮಕ್ಕಳನ್ನು ಅಗಲಿದ್ದಾರೆ. ಮೃತರ ಮನೆಗೆ ನೂರಾರು ಮಂದಿ ಭೇಟಿ ನೀಡಿ ಸಂತಾಪ ಸೂಚಿಸಿದರು.
