ಪುತ್ತೂರು: ಮಂಗಳೂರು ವಿಶ್ವವಿದ್ಯಾನಿಲಯದಲ್ಲಿ 2023ನೇ ಸಾಲಿನ ಮಾಸ್ಟರ್ ಆಫ್ ಲೈಬ್ರೇರಿ ಆಂಡ್ ಇನ್‌ಫರ್ಮೇಶನ್ ಸೈನ್ಸ್ ಪರೀಕ್ಷೆಯಲ್ಲಿ ವೀರಮಂಗಲದ ವೀಕ್ಷಿತಾ ಪ್ರಭು ಪ್ರಥಮ ಶ್ರೇಯಾಂಕ ಪಡೆದಿರುತ್ತಾರೆ.
2023ರಲ್ಲಿ ನಡೆದ ನಿರ್ದಿಷ್ಟ ಪರೀಕ್ಷೆಗಳ ಸಂಚಿತ ವರ್ಗಾಂಶ ಸರಾಸರಿ(ಸಿಜಿಪಿಎ) 9.19 ಮತ್ತು 0+ ಶ್ರೇಣಿಯೊಂದಿಗೆ ತೇರ್ಗಡೆಯಾಗಿದ್ದಾರೆ. ಮಂಗಳೂರು ವಿಶ್ವ ವಿದ್ಯಾನಿಲಯ ಮಂಗಳ ಗಂಗೋತ್ರಿಯಲ್ಲಿ ಜೂ.15ರಂದು ನಡೆದ ಘಟಿಕೋತ್ಸವದಲ್ಲಿ ಕುಲಪತಿಗಳು ಪದವಿ ನೀಡಿ ಗೌರವಿಸಿದರು. ಈಕೆ ಶಾಂತಿಗೋಡು ಗ್ರಾಮದ ವೀರಮಂಗಲ ಆನಾಜೆ ನಿವಾಸಿ ಹೊಟೇಲ್ ಉದ್ಯಮಿ ಸಂಜಯ್ ಪ್ರಭುರವರ ಪತ್ನಿ. ಇವರು ಬಂಟ್ವಾಳ ಪಾಣೆಮಂಗಳೂರು ಶಂಬೂರು ರಾಧಾಕೃಷ್ಣ ಸಾಮಂತ್ ಹಾಗೂ ಸವಿತಾ ಸಾಮಂತ್ ದಂಪತಿ ಪುತ್ರಿ.
