ರಾಮಕುಂಜ: ಹಳೆನೇರೆಂಕಿ ಗ್ರಾಮದ ಕೂಡುರಸ್ತೆ ನಿವಾಸಿ ಸಲೀಂ ಎಂಬವವರ ಮನೆಗೆ ಸಿಡಿಲು ಬಡಿದು ಅಪಾರ ಹಾನಿಯಾದ ಘಟನೆ ಅ.23ರಂದು ನಡೆದಿದೆ.
ಸಿಡಿಲಘಾತಕ್ಕೆ ಮನೆಯ ಸ್ಲಾಬ್, ಗೋಡೆ, ವಿದ್ಯುತ್ ಸ್ವಿಚ್ ಬೋರ್ಡು, ವಯರಿಂಗ್, ಬಲ್ಬ್ ಸೇರಿದಂತೆ ಇನ್ನಿತರ ಪರಿಕರಗಳಿಗೆ ಹಾಗೂ ಮನೆಯ ಪಕ್ಕದ ತೆಂಗಿನ ಮರಕ್ಕೆ ಹಾನಿಯಾಗಿದೆ.
ಘಟನೆ ವೇಳೆ ಮನೆಯಲ್ಲಿದ್ದವರಿಗೆ ಯಾವೂದೇ ಅಪಾಯ ಸಂಭವಿಸಿಲ್ಲ. ಸುಮಾರು ರೂ.30 ಸಾವಿರಕ್ಕೂ ಹೆಚ್ಚು ನಷ್ಟ ಉಂಟಾಗಿದೆ ಎಂದು ಅಂದಾಜಿಸಲಾಗಿದೆ. ಘಟನಾ ಸ್ಥಳಕ್ಕೆ ರಾಮಕುಂಜ ಗ್ರಾಮ ಆಡಳಿತಾಧಿಕಾರಿ ಸತೀಶ್ ಅವರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
