‘ಸ್ಪಿನ್ ಆಂಡ್ ವ್ಹೀಲ್’ ಲಕ್ಕಿ ಡ್ರಾದಲ್ಲಿ ವಿಜೇತರಾದ ಅದೃಷ್ಟವಂತ ಗ್ರಾಹಕರಿಗೆ ಲಾಯ್ಡ್ ಟಿವಿ ಕೊಡುಗೆ’
ಪುತ್ತೂರು: ದೀಪಾವಳಿ ಹಬ್ಬದ ಸಂಭ್ರಮಕ್ಕೆ ಪೂರಕವಾಗಿ ಇಲ್ಲಿನ ಹೆಸರಾಂತ ಎಲೆಕ್ಟ್ರಾನಿಕ್ಸ್ ಶೋರೂಂ ‘ಶೇಟ್ ಎಲೆಕ್ಟ್ರಾನಿಕ್ಸ್ ’ನಲ್ಲಿ ಲಾಯ್ಡ್ ಕಂಪೆನಿಯ ರ‍್ಯಾಪಿಡ್ ಫ್ರೀಝ್ ರೆಫ್ರಿಜರೇಟರ್‌ನ ಅನಾವರಣ ಕಾರ್ಯಕ್ರಮ ಅ.27ರಂದು ನಡೆಯಿತು.
ತಾಲೂಕು ಆರೋಗ್ಯಾಧಿಕಾರಿ ದೀಪಕ್ ರೈ ಅವರು ಉಪಸ್ಥಿತರಿದ್ದ ಗಣ್ಯರ ಜೊತೆಯಲ್ಲಿ ರೆಫ್ರಿಜರೇಟರ್ ನ ರಿಬ್ಬನ್ ಕತ್ತರಿಸುವ ಮೂಲಕ ಹೊಸ ಮಾಡೆಲನ್ನು ಅನಾವರಣಗೊಳಿಸಿ ಹೊಸ ಉತ್ಪನ್ನದ ಯಶಸ್ಸಿಗೆ ಶುಭ ಹಾರೈಸಿ, ಶೇಟ್ ಎಲೆಕ್ಟ್ರಾನಿಕ್ಸ್ ನ ಗ್ರಾಹಕ ಸೇವೆಗಳ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದರು.
ತಾಲೂಕು ಆರೋಗ್ಯಾಧಿಕಾರಿ ದೀಪಕ್ ರೈ, ಮರೈನ್ ಇಂಜಿನಿಯರಿಂಗ್‌ನ ದೀಪಕ್ ಕೆ.ಪಿ., ಲಾಯ್ಡ್ ನ ಮಂಗಳೂರು ಶಾಖೆಯ ಮುಖ್ಯಸ್ಥ ಶಶಿಧರ್, ಪಟೇಲ್ ಮ್ಯೂಸಿಕ್ ಝೋನ್‌ನ ಕಿಶೋರ್ ಪಟೇಲ್ ಈ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡು ಶುಭ ಹಾರೈಸಿದರು.
ದಸರಾ-ದೀಪಾವಳಿ ಹಬ್ಬಗಳ ಪ್ರಯುಕ್ತ ಲಾಯ್ಡ್ ನ ‘ಫೆಸ್ಟಿವಲ್ ಆಫ್ ಫಾರ್ಚೂನ್’ ಅಭಿಯಾನದ ಅಂಗವಾಗಿ ಅಕ್ಟೋಬರ್ 01 ರಿಂದ ನವಂಬರ್ 10ರವರೆಗೆ ಈ ಆಫರ್ ಗ್ರಾಹಕರಿಗೆ ಲಭ್ಯವಿದೆ. ಲಾಯ್ಡ್ ಕಂಪೆನಿಯ ಉತ್ಪನ್ನಗಳನ್ನು ಶೇಟ್ ಎಲೆಕ್ಟ್ರಾನಿಕ್ಸ್ ನಿಂದ ಖರೀಸಿದ್ದ ರಕ್ಷಾ ಎಂಬ ಗ್ರಾಹಕರಿಗೆ ಸ್ಕ್ರಾಚ್ ಕಾರ್ಡ್ ನಲ್ಲಿ ಸ್ಪಿನ್ ಆಂಡ್ ವ್ಹೀಲ್ ಮಾದರಿಯ ಲಕ್ಕಿ ಡ್ರಾದಲ್ಲಿ ಬಹುಮಾನವಾಗಿ ಬಂದ ಲಾಯ್ಡ್ ಟಿವಿಯನ್ನು ಅತಿಥಿ ಗಣ್ಯರು ಇದೇ ಸಂದರ್ಭದಲ್ಲಿ ಅದೃಷ್ಟವಂತ ಗ್ರಾಹಕಿ ರಕ್ಷಾ ಅವರಿಗೆ ವಿತರಿಸಿದರು.
ಶೇಟ್ ಎಲೆಕ್ಟ್ರಾನಿಕ್ಸ್ ಮಾಲಕರಾದ ರೂಪೇಶ್ ಶೇಟ್ ಅವರು ಲಾಯ್ಡ್ ಕಂಪೆನಿಯ ಹೊಸ ಉತ್ಪನ್ನಕ್ಕೆ ಗ್ರಾಹಕರ ಬೆಂಬಲವನ್ನು ಕೋರಿದರು.
ಶೇಟ್ ಎಲೆಕ್ಟ್ರಾನಿಕ್ಸ್ ಮಾಲಕ ರೂಪೇಶ್ ಶೇಟ್, ಕಂಪೆನಿಯ ಮಾರ್ಕೆಟಿಂಗ್ ವಿಭಾಗದ ವಿವೇಕ್, ತರುಣ್, ವಿಜೇತ ಗ್ರಾಹಕಿ ರಕ್ಷಾ ಎಸ್. ಕೆಯ್ಯೂರು ಮೊದಲಾದವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.
ಲಾಯ್ಡ್ ಕಂಪೆನಿಯ ತರುಣ್ ಅವರು ರ‍್ಯಾಪಿಡ್ ಫ್ರೀಝ್ ರೆಫ್ರಿಜರೇಟರ್ ಕುರಿತಾದ ತಾಂತ್ರಿಕ ಮಾಹಿತಿಗಳನ್ನು ನೀಡಿದರು. ಅಮಿತ್ ಪ್ರಭು ಅತಿಥಿಗಳನ್ನು ಸ್ವಾಗತಿಸಿ, ಕಾರ್ಯಕ್ರಮವನ್ನು ನಿರೂಪಿಸಿದರು.
ರ‍್ಯಾಪಿಡ್ ಫ್ರೀಜ್ ರೆಫ್ರಿಜರೇಟರ್ ವಿಶೇಷತೆ:
ರ‍್ಯಾಪಿಡ್ ಫ್ರೀಜ್ ರೆಫ್ರಿಜರೇಟರ್ ಹಲವು ವಿಶೇಷತೆಗಳನ್ನು ಒಳಗೊಂಡಿದ್ದು 29ನಿಮಿಷದಲ್ಲಿ ಐಸ್‌ ಕ್ಯೂಬ್ ಆಗುತ್ತದೆ. ಡೋರ್ ನ ಹ್ಯಾಂಡಲ್‌ ನಲ್ಲಿ ಆ್ಯಂಟಿ ವೈರಸ್‌ ಟೆಕ್ನಾಲಜಿ, ಆಹಾರ ಹಾಳಾಗದಂತೆ ಆ್ಯಂಟಿ ಬ್ಯಾಕ್ಟಿರಿಯಾ ಅಳವಡಿಸಿರುವುದು ಇದರ ವಿಶೇಷತೆಯಾಗಿದೆ.
