ಉಪ್ಪಿನಂಗಡಿ: ಇಲ್ಲಿನ ಪದಾಳ ಶ್ರೀ ಸುಬ್ರಹ್ಮಣ್ಯ ದೇವಾಲಯದಲ್ಲಿ ಮುಂಬರುವ ಡಿಸೆಂಬರ್ 18ರಿಂದ ಡಿ.23ರವರೆಗೆ ಬ್ರಹ್ಮಕಲಶೋತ್ಸವ ನಡೆಯಲಿದ್ದು, ಇದರ ಪೂರ್ವಭಾವಿಯಾಗಿ ಭಕ್ತಾದಿಗಳಿಂದ ಶ್ರೀ ದೇವಾಲಯದಲ್ಲಿ ನಿರಂತರ ಶ್ರಮದಾನ ಸೇವೆ ನಡೆಯುತ್ತಿದೆ.
ದೇವಾಲಯದ ಸುತ್ತಮುತ್ತಲ ಪರಿಸರದಲ್ಲಿನ ಸ್ವಚ್ಚತೆ, ಮರದ ಗೆಲ್ಲುಗಳ ತೆರವು, ದಾರಿಯ ಸುಸ್ಥಿತಿ ಸೇರಿದಂತೆ ಈಗಾಗಲೇ ಹಲವಾರು ಮಂದಿ ಭಕ್ತಾದಿಗಳು ದಿನ ನಿತ್ಯ ಶ್ರಮದಾನದ ಮೂಲಕ ಕಾರ್ಯಗಳನ್ನು ನಡೆಸುತ್ತಿದ್ದಾರೆ. ಬ್ರಹ್ಮಕಲಶೋತ್ಸವಕ್ಕೆ ಚಪ್ಪರ ಅಳವಡಿಸಲು ಅಡಿಕೆ ಮರಗಳ ಸಂಗ್ರಹಣಾ ಅಭಿಯಾನವನ್ನು ಆದಿತ್ಯವಾರ ನಡೆದಿದ್ದು, ಡಿ.26ರಂದು ಬೆಳಗ್ಗೆ 10ರ ನಂತರ ಶ್ರೀ ದೇವಾಲಯದಲ್ಲಿ ಚಪ್ಪರ ಮುಹೂರ್ತ ನಡೆಯಲಿದೆ.
