ಪುತ್ತೂರು: ಸ್ವರ ಮಾಧುರ್ಯ ಸಂಗೀತ ಬಳಗ ಪುತ್ತೂರು ಇದರ ಸೋನಿಕ ಜನಾರ್ದನ್ ಮತ್ತು ತಂಡದವರಿಂದ ಭಕ್ತಿ ಸಂಗೀತ ಕಾರ್ಯಕ್ರಮ ಶ್ರೀ ಕ್ಷೇತ್ರ ಉಡುಪಿಯಲ್ಲಿ ನ. 30 ರಂದು ನಡೆಯಲಿದೆ.
ಗಾಯನದಲ್ಲಿ ಸೋನಿಕ ಜನಾರ್ದನ್, ಗಾಯಕ ಕಿಶೋರ್ ಪೆರ್ಲ, ಪ್ರಮೀಳಾ ಜನಾರ್ದನ್ ಸಹಕರಿಸಲಿದ್ದಾರೆ. ಹಿನ್ನೆಲೆ ಸಂಗೀತದಲ್ಲಿ ಹಿರಿಯ ಸಂಗೀತ ಕಲಾವಿದರಾದ ಬಾಬಣ್ಣ ಪುತ್ತೂರು (ಕೀಬೋರ್ಡ್), ಸಂಗೀತ ಕಲಾವಿದ ಜಗದೀಶ್ ಮಂಗಲ್ಪಾಡಿ ತಬಲದಲ್ಲಿ ಸಾಥ್ ನೀಡಲಿದ್ದಾರೆ. ಸೋನಿಕ ಜನಾರ್ದನ್ ಮತ್ತು ತಂಡದವರು ಈಗಾಗಲೇ ಮಂಗಳೂರಿನ ಕುದ್ರೋಳಿ ದೇವಸ್ಥಾನದ ದಸರಾ ಕಾರ್ಯಕ್ರಮ, ಮಂಗಳೂರಿನ ಚಿತ್ರಾಪುರ ದೇವಸ್ಥಾನದಲ್ಲಿ ಭಕ್ತಿ ಸಂಗೀತ, ಕೊಲ್ಲೂರಿನ ಮೂಕಾಂಬಿಕಾ ದೇವಸ್ಥಾನದಲ್ಲಿ ಭಕ್ತಿ ಸಂಗೀತ , ಶ್ರೀ ಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ಭಜನೆ, ಪುತ್ತೂರಿನ ಜೆಸಿಐ ವತಿಯಿಂದ ನಡೆದ ಕಾರ್ಯಕ್ರಮ ಸೇರಿದಂತೆ ವಿವಿದೆಡೆ ಕಾರ್ಯಕ್ರಮ ನೀಡಿರುತ್ತಾರೆ.
