ಪುತ್ತೂರು: ಮಂಗಳೂರು ತಾಲೂಕು ಚುಟುಕು ಸಾಹಿತ್ಯ ಪರಿಷತ್ತು ವತಿಯಿಂದ ಕೃತಿ ಲೋಕಾರ್ಪಣೆ, ಗೌರವ ಸನ್ಮಾನ, ಕವಿಗೋಷ್ಠಿ, ಗಾನಸುಧೆ ಸಹಿತ ಸಾಹಿತ್ಯ ಸಂಭ್ರಮ-2024 ಕಾರ್ಯಕ್ರಮ ಮಂಗಳೂರು ಕೆನರಾ ಕಾಲೇಜು ಸಭಾಂಗಣದಲ್ಲಿ ನಡೆಯಿತು.
ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಹರೀಶ ಸುಲಾಯ ಒಡ್ಡಂಬೆಟ್ಟುರವರ ಸಭಾಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕ್ರಮವನ್ನು ಜನಪ್ರಿಯ ಕವಿ ಮತ್ತು ಪ್ರಾಧ್ಯಾಪಕ ರಘು ಇಡ್ಕಿದು ಉದ್ಘಾಟಿಸಿದರು. ಹಿರಿಯ ಕವಯಿತ್ರಿ ಪಾರ್ವತಿ ಶಾಸ್ತ್ರಿಯವರ ಭಕ್ತಿ ಕುಸುಮಾಂಜಲಿ ಭಕ್ತಿಗೀತೆ ಸಂಕಲನ ಹಾಗೂ ಭಾವದೊಸಗೆ ಎಂಬ ಕವನ ಸಂಕಲನವನ್ನು ಹಿರಿಯ ಸಾಹಿತಿ ಮತ್ತು ಅಂಕಣಕಾರ ಪ್ರೊ| ವಿ.ಬಿ. ಅರ್ತಿಕಜೆ ಹಾಗೂ ಉಪನ್ಯಾಸಕ ವಿಶ್ವನಾಥ ಕೆ.ರವರು ಬಿಡುಗಡೆಗೊಳಿಸಿ ಕೃತಿ ಪರಿಚಯಗೊಳಿಸಿದರು. ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ ಗೌರವಾಧ್ಯಕ್ಷ ನೇಮು ಪೂಜಾರಿ ಇರಾ ಶುಭಹಾರೈಸಿದರು. ಕವಿಗೋಷ್ಠಿಯ ಅಧ್ಯಕ್ಷ ಆಂಗ್ಲಭಾಷಾ ಪ್ರಾಧ್ಯಾಪಕಿ ಹಾಗೂ ಬರಹಗಾರ್ತಿ ಪರಿಣಿತ ರವಿ ಉಪಸ್ಥಿತರಿದ್ದರು.
ಕೃತಿಕಾರ ಪಾರ್ವತಿ ಶಾಸ್ತ್ರಿರವರ ಕೃತಿ ಬಿಡುಗಡೆಗೊಳಿಸಿ ಪರಿಚಯಿಸಿದ ಪ್ರೊ| ವಿ. ಬಿ. ಅರ್ತಿಕಜೆ ಮತ್ತು ವಿಶ್ವನಾಥ ಕೆ ರವರನ್ನು ಫಲಪುಷ್ಪ, ಶಾಲು ಹೊದಿಸಿ ಗೌರವಿಸಲಾಯಿತು. ಕು. ದಿಶಾ ಸಿ.ಜಿ. ಪ್ರಾರ್ಥಿಸಿ ಮಂಗಳೂರು ತಾಲೂಕು ಚುಟುಕು ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಗೋಪಾಲಕೃಷ್ಣ ಶಾಸ್ತ್ರಿ ಸ್ವಾಗತಿಸಿದರು. ಕೋಶಾಧಿಕಾರಿ ಭಾಸ್ಕರ್ ಎ. ವರ್ಕಾಡಿ ವಂದಿಸಿದರು. ಉಪಾಧ್ಯಕ್ಷ ಹಿತೇಶ್ ಕುಮಾರ್ ಎ. ಕಾರ್ಯಕ್ರಮ ನಿರೂಪಿಸಿದರು.
ಬಳಿಕ ನಡೆದ ಕವಿಗೋಷ್ಠಿಯಲ್ಲಿ ಆಂಗ್ಲ ಭಾಷಾ ಪ್ರಾಧ್ಯಾಪಕಿ ಹಾಗೂ ಬರಹಗಾರ್ತಿ ಪರಿಣಿತ ರವಿ ಅಧ್ಯಕ್ಷತೆ ವಹಿಸಿದ್ದರು. ಕವಿಗೋಷ್ಠಿಯಲ್ಲಿ ಸೌಮ್ಯಾ ಗೋಪಾಲ್, ಅನುರಾಧಾ ರಾಜೀವ್ ಸುರತ್ಕಲ್, ಸತ್ಯವತಿ ಭಟ್ ಕೊಳಚಪ್ಪು, ಗುಣಾಜೆ ರಾಮಚಂದ್ರ ಭಟ್, ಗೀತಾ ಲಕ್ಷ್ಮೀಶ್, ಮಂಡ್ಯ ಅನಾರ್ಕಲಿ ಸಲೀಂ ಮಂಗಳೂರು, ಡಾ. ಸುರೇಶ ನೆಗಳಗುಳಿ, ರೇಮಂಡ್ ಡಿಕೂನ ತಾಕೊಡೆ, ಆಯಿಷಾ ಪೆರ್ನೆ, ಸುಮಾಡ್ಕರ್ ಸ್ವರೂಪ, ಪ್ರೇಮಾ ಶ್ರೀಕೃಷ್ಣ, ಅಶೋಕ ಎನ್ ಕಡೇಶಿವಾಲಯ, ಶಮೀಮ ಕುತ್ತಾರ್, ರಾಧಾಕೃಷ್ಣ ಮಂಗಳೂರು, ಸೌಮ್ಯ ಆರ್ ಶೆಟ್ಟಿ, ಎಂ.ಎಸ್ ವೆಂಕಟೇಶ್ ಗಟ್ಟಿ, ಚಂದ್ರಿಕಾ ಕೈರಂಗಳ, ಸತೀಶ್ ಬಿಳಿಯೂರು, ಎಮ್. ಪಿ ಬಷೀರ್ ಅಹ್ಮದ್ ಬಂಟ್ವಾಳ, ಮನ್ಸೂರ್ ಮುಲ್ಕಿ, ಉಮೇಶ್ ಶಿರಿಯ, ವಾಣಿಶ್ರೀ ಕೊಂಚಾಡಿ, ಶೈಲಜಾ ಕೇಕಣಾಜೆ, ಅಶ್ವಿಜ ಶ್ರೀಧರ್, ಅನಿತಾ ಶೆಣೈ, ವಿದ್ಯಾಶ್ರೀ ಅಡೂರ್ ಹಾಗೂ ಪರಿಮಳ ಮಹೇಶ್ ರಾವ್ ಭಾಗವಹಿಸಿದರು. ಗಾನಸುಧೆಯಲ್ಲಿ ಪ್ರಸನ್ನಾ ಸಿ.ಎಸ್. ಭಟ್ ಕಾಕುಂಜೆ, ಮಾಲತಿ ಎಸ್.ಎನ್. ಭಟ್ ಕಾಕುಂಜೆ, ಶ್ಯಾಮಲಾ ಸಂಪತ್ತಿಲ, ಯಶೋದಾ ಭಟ್ ಉಪ್ಪಂಗಳ, ಸುಜಾತಾ ಜಿ. ಭಟ್ ಭಾಗವಹಿಸಿದರು. ಮಂಗಳೂರು ತಾಲೂಕು ಚುಟುಕು ಸಾಹಿತ್ಯ ಪರಿಷತ್ ಜೊತೆ ಕಾರ್ಯದರ್ಶಿ ರಾಜೇಶ್ವರಿ ಎಚ್. ಬಜ್ಪೆ ಕವಿಗೋಷ್ಟಿ ನಿರ್ವಹಿಸಿದರು.
