ಗಾಳಿಪಟ ಸ್ಪರ್ಧೆ | ಫುಡ್ ಕೋರ್ಟ್ | ಸಾಂಸ್ಕೃತಿಕ ಕಾರ್ಯಕ್ರಮ | ಫ್ಯಾಶನ್ ಶೋ | ಉಚಿತ ಪ್ರವೇಶ
ವರದಿ: ಸಂತೋಷ್ ಮೊಟ್ಟೆತ್ತಡ್ಕ
ಪುತ್ತೂರು: ಬಿರುಮಲೆಬೆಟ್ಟ ಅಭಿವೃದ್ಧಿ ಯೋಜನೆ ಪುತ್ತೂರು ಇವರ ಆಶ್ರಯದಲ್ಲಿ ಪೊರ್ಲು ಇವೆಂಟ್ಸ್, ಜೆಸಿಐ ಪುತ್ತೂರು, ಮಾರ್ಕ್ ಟೆಲಿಕಾಂ, ಅಕ್ಷಯ ಕಾಲೇಜು, ರೋಟರಿ ಕ್ಲಬ್ ಪುತ್ತೂರು ಬಿರುಮಲೆ ಹಿಲ್ ಇವರ ಸಹಕಾರದೊಂದಿಗೆ ಗಾಳಿಪಟ ಸ್ಪರ್ಧೆ, 15 ಫುಡ್ ಕೋರ್ಟ್, ಫ್ಯಾಷನ್ ಶೋ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನೊಳಗೊಂಡ ಬಿರುಮಲೋತ್ಸವ-2025 ಫೆ.2 ರಂದು ಸಂಜೆ ಬಿರುಮಲೆ ಬೆಟ್ಟದಲ್ಲಿ ಜರಗಲಿದೆ. ಕಾರ್ಯಕ್ರಮವು ಸ್ಪರ್ಧಿಗಳಿಗೆ ಉಚಿತ ಪ್ರವೇಶವಾಗಿದೆ.
ಸ್ಪರ್ಧೆಗಳ ವಿವರ:
ಸ್ಥಳದಲ್ಲಿ ಗಾಳಿಪಟ ತಯಾರಿಸಿ ಹಾರಿಸುವುದು, ಮೊದಲೇ ತಯಾರಿಸಿದ ಅಥವಾ ರೆಡಿಮೆಡ್ ಗಾಳಿಪಟ ಹಾರಿಸುವುದು ಅಲ್ಲದೆ ಈ ಎರಡು ವಿಭಾಗಗಳಲ್ಲಿ ಸ್ಪರ್ಧೆ ನಡೆಯಲಿರುವುದು,ಪ್ರೈಮರಿ, ಹೈಸ್ಕೂಲ್, ಕಾಲೇಜು ಮತ್ತು ಮುಕ್ತ ವಿಭಾಗದಲ್ಲಿ ಪ್ರತ್ಯೇಕ ಬಹುಮಾನ ನೀಡಲಾಗುವುದು, ಹಾರಿಸಲಾದ ಗಾಳಿಪಟಗಳಲ್ಲಿ ಆಕರ್ಷಕ ವಿನ್ಯಾಸದ ಮತ್ತು ದೊಡ್ಡ ಗಾತ್ರದ ಗಾಳಿಪಟಕ್ಕೆ ವಿಶೇಷ ಬಹುಮಾನ ಇದೆ, ಅತಿ ಎತ್ತರಕ್ಕೆ ಹಾರಿಸಿದ ಗಾಳಿಪಟಕ್ಕೆ ವಿಶೇಷ ಬಹುಮಾನ ಇದೆ, ಗಾಳಿಪಟ ತಯಾರಿಸಲು ಬೇಕಾದ ಸಾಮಾಗ್ರಿಗಳನ್ನು ಸ್ಪರ್ಧಿಗಳೇ ತರಬೇಕು , ಗಾಳಿಪಟ ಹಾರಿಸುವ ದಾರಕ್ಕೆ ಗ್ಲಾಸ್ ಚೂರುಗಳನ್ನು ಅಂಟಿಸುವಂತಿಲ್ಲ, ವಿಶೇಷ ಆಕರ್ಷಣೆಯಾಗಿ ಗಾಳಿಪಟ ಮಾರಾಟದ ಮಳಿಗೆ ಇರುತ್ತದೆ. ಸ್ಪರ್ಧೆಗಳಲ್ಲಿ ಸಂಘಟಕರ ತೀರ್ಮಾನವೇ ಅಂತಿಮವಾಗಿರುತ್ತದೆ.
ಪೂರ್ವಭಾವಿ ಸಭೆ:
ಬಿರುಮಲೆ ಬೆಟ್ಟದಲ್ಲಿ ನಡೆಯುವ ಬಿರುಮಲೋತ್ಸವ ಕಾರ್ಯಕ್ರಮವನ್ನು ಯಾವ ರೀತಿ ಹಮ್ಮಿಕೊಳ್ಳಬೇಕು ಎನ್ನುವ ನಿಟ್ಟಿನಲ್ಲಿ ಬಿರುಮಲೆ ಬೆಟ್ಟ ಅಭಿವೃದ್ಧಿ ಯೋಜನೆ ಸಮಿತಿಯು ಪೊರ್ಲು ಇವೆಂಟ್ಸ್, ಜೇಸಿಐ ಪುತ್ತೂರು, ಮಾರ್ಕ್ ಟೆಲಿಕಾಂ, ಅಕ್ಷಯ ಕಾಲೇಜು, ರೋಟರಿ ಕ್ಲಬ್ ಬಿರುಮಲೆ ಹಿಲ್ಸ್ ಇವುಗಳ ಸಹಕಾರದೊಂದಿಗೆ ಬಿರುಮಲೆ ಬೆಟ್ಟದ ಸಭಾಂಗಣದಲ್ಲಿ ಅಧ್ಯಕ್ಷ ಎ.ಜೆ ರೈಯವರ ಅಧ್ಯಕ್ಷತೆಯಲ್ಲಿ ಪೂರ್ವಭಾವಿ ಸಭೆ ನಡೆಯಿತು. ಈ ಸಂದರ್ಭದಲ್ಲಿ ಬಿರುಮಲೆ ಬೆಟ್ಟ ಅಭಿವೃದ್ಧಿ ಯೋಜನೆ ಕೋಶಾಧಿಕಾರಿ ದತ್ತಾತ್ರೇಯ ರಾವ್, ಸದಸ್ಯರಾದ ಡಾ.ರವೀಂದ್ರ, ಸೂರ್ಯನಾಥ ಆಳ್ವ, ಎಂ.ಎಸ್ ಅಮ್ಮಣ್ಣಾಯ, ಸಂತೋಷ್ ಶೆಟ್ಟಿ, ಪೊರ್ಲು ಇವೆಂಟ್ಸ್‌ನ ಸಂತೋಷ್ ಭಂಡಾರಿ ಚಿಲ್ಮೆತ್ತಾರು, ಕೃಷ್ಣಪ್ರಸಾದ್ ರೈ, ರಾಕೇಶ್ ರೈ, ಮಾರ್ಕ್ ಟೆಲಿಕಾಂನ ಶಶಿರಾಜ್ ರೈ ಉಪಸ್ಥಿತರಿದ್ದರು.
ಸ್ಪರ್ಧಿಗಳು ಸ್ಪರ್ಧೆಯ ಮುಂಚಿತವಾಗಿ ಹಾಜರಾಗಿ ಹೆಸರನ್ನು ಸಂಘಟಕರಲ್ಲಿ ನೋಂದಾಯಿಸತಕ್ಕದ್ದು ಮಾತ್ರವಲ್ಲ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕಾಗಿ ಬಿರುಮಲೆಬೆಟ್ಟ ಅಭಿವೃದ್ಧಿ ಯೋಜನೆಯ ಅಧ್ಯಕ್ಷ ಎ.ಜಗಜ್ಜೀವನ್‌ದಾಸ್ ರೈ, ಪದಾಧಿಕಾರಿಗಳು ಹಾಗೂ ಸದಸ್ಯರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಉದ್ಘಾಟನೆ..
ಪುತ್ತೂರು ಶಾಸಕ ಅಶೋಕ್ ಕುಮಾರ್ ರೈ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ದ.ಕ ಜಿಲ್ಲೆ ಸಂಸದ ಬ್ರಿಜೇಶ್ ಚೌಟ, ಅತಿಥಿಗಳಾಗಿ ಪುತ್ತೂರು ನಗರಸಭೆ ಅಧ್ಯಕ್ಷೆ ಲೀಲಾವತಿ ಅಣ್ಣು ನಾಯ್ಕ, ಪುತ್ತೂರು ಪ್ರಭಾರ ಸಹಾಯಕ ಆಯುಕ್ತ ಶ್ರವಣ್ ಕುಮಾರ್, ಪುತ್ತೂರು ಉಪವಿಭಾಗದ ಎಸಿಎಫ್ ಸುಬ್ಬಯ್ಯ, ಪುತ್ತೂರು ನಗರಸಭೆ ಪೌರಾಯುಕ್ತ ಮಧು ಎಸ್.ಮನೋಹರ್, ಬ್ಯಾಂಕ್ ಆಫ್ ಬರೋಡಾ ರೀಜನಲ್ ಮ್ಯಾನೇಜರ್ ದೇವಿಪ್ರಸಾದ್ ಶೆಟ್ಟಿ ಭಾಗವಹಿಸಲಿದ್ದಾರೆ.
ಭಾಗವಹಿಸಿ ಯಶಸ್ವಿಗೊಳಿಸಿ..
ಕಳೆದ ಕೆಲವು ವರ್ಷಗಳಿಂದ ಬಿರುಮಲೆ ಬೆಟ್ಟದಲ್ಲಿ ಸರ್ವರ ಸಹಕಾರದೊಂದಿಗೆ ಬಿರುಮಲೋತ್ಸವ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಆಯೋಜಿಸುತ್ತಾ ಬಂದಿದೆ. ಝೀ ಕನ್ನಡ ಸರಿಗಮಪದ ಸಮನ್ವಿ ರೈ ಮದಕ ಹಾಗೂ ಇತರ ಗಾಯಕರಿಂದ ಹಾಡುಗಳು, ಡ್ಯಾನ್ಸ್, ಅಕ್ಷಯ ಕಾಲೇಜು ಫ್ಯಾಷನ್ ಶೋ ಇತ್ಯಾದಿ ಮನಸೂರೆಗಳ್ಳಲಿದ್ದು, ಜೊತೆಗೆ 15 ಫುಡ್ ಸ್ಟಾಲ್ ಗಳು ಕೂಡ ಇರಲಿದೆ. ಗಾಳಿಪಟ ಸ್ಪರ್ಧೆಯನ್ನು ಸಂತೋಷ್ ಶೆಟ್ಟಿ ಸಾಜರವರು ನಡೆಸಿಕೊಡಲಿದ್ದಾರೆ. ಹೆಚ್ಚಿನ ಸಂಖ್ಯೆಯಲ್ಲಿ ಪ್ರೇಕ್ಷಕರು ಆಗಮಿಸಿ ಬಿರುಮಲೋತ್ಸವ ಕಾರ್ಯಕ್ರಮವನ್ನು ಯಶಸ್ವಿಯಾಗಿಸಬೇಕು.
-ಎ.ಜೆ ರೈ, ಅಧ್ಯಕ್ಷರು, ಬಿರುಮಲೆ ಬೆಟ್ಟ ಅಭಿವೃದ್ಧಿ ಸಮಿತಿ
