ಪುತ್ತೂರು: ಕರ್ನಾಟಕ ಈಜು ಸಂಸ್ಥೆ ಜು. 25 ರಿಂದ 27ರವರೆಗೆ ಬೆಂಗಳೂರಿನ ಕೆನ್ಸಿಂಗ್‌ಟನ್ ಸ್ವಿಮ್ಮಿಂಗ್ ಪೂಲ್‌ನಲ್ಲಿ ನಡೆಸಿದ ಎನ್‌ಆರ್‌ಜೆ ಸ್ಟೇಟ್ ಸಬ್ ಜೂನಿಯರ್, ಜೂನಿಯರ್ ಮತ್ತು ಸೀನಿಯರ್ ಡೈವಿಂಗ್ ಚಾಂಪಿಯನ್ ಶಿಪ್ 2025ರಲ್ಲಿ ನಂದನ್ ನಾೖಕ್‌ 3ಮೀ. ಸ್ಪ್ರಿಂಗ್ ಬೋರ್ಡ್‌ನಲ್ಲಿ ಚಿನ್ನದ ಪದಕ ಹಾಗೂ ಹೈ ಬೋರ್ಡ್‌ನಲ್ಲಿ ಬೆಳ್ಳಿ ಪದಕ ಪಡೆದು ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ರಾಷ್ಟ್ರ ಮಟ್ಟದ ಸ್ಪರ್ಧೆ ಬೆಂಗಳೂರಿನಲ್ಲಿ ಅ.4 ರಿಂದ 8 ರ ತನಕ ನಡೆಯಲಿದೆ.
ಇವರು ನೆಹರೂನಗರದಲ್ಲಿರುವ ಜೀವಾ ಮೆಡಿಕಲ್ಸ್ ಮಾಲಕ ಮುಕ್ವೆ ಮಜಲುಮಾರು ನಿವಾಸಿ ರವಿ ಸಂಪತ್ ನಾೖಕ್‌ ಮತ್ತು ಕ್ಷಮಿತಾ ದಂಪತಿಯ ಪುತ್ರ. ಸಂತ ಫಿಲೋಮಿನಾ ಕಾಲೇಜಿನಲ್ಲಿ ಪ್ರಥಮ ಬಿ.ಎಸ್ಸಿ ಕಲಿಯುತ್ತಿರುವ ಇವರು ಅಡ್ಯನಡ್ಕ ವಾರಣಾಶಿ ಸ್ವಿಮ್ಮಿಂಗ್ ಅಕಾಡೆಮಿಯ ಪಾರ್ಥ ವಾರಣಾಶಿ, ವೆಂಕಟೇಶ್, ವಿಕಾಸ್ ಇವರಲ್ಲಿ ಡೈವಿಂಗ್ ತರಬೇತಿ ಪಡೆಯುತಿದ್ದಾರೆ.
ನಂದನ್ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಡೈವಿಂಗ್‌ನಲ್ಲಿ ಚಿನ್ನ ಗೆದ್ದ ಮೊದಲ ಡೈವರ್. ಎಳೆ ವಯಸ್ಸಿನಿಂದಲೇ ಈಜಿನಲ್ಲಿ ಹಲವಾರು ಸಾಧನೆಗಳನ್ನು ಮಾಡಿರುವ ಈತ ಹಂತ ಹಂತವಾಗಿ ಕಲಿತು ತನ್ನ ಗಮನವನ್ನು ಡೈವಿಂಗ್‌ನಲ್ಲಿ ಕೇಂದ್ರೀಕರಿಸಿ ಸತತ ಪರೀಶ್ರಮದಿಂದ ಈ ಮಟ್ಟಕ್ಕೆ ಬೆಳೆದಿದ್ದಾನೆ.ಇನ್ನೂ ಹೆಚ್ಚಿನ ಸಾಧನೆಗಳನ್ನು ಮಾಡಲಿ ರಾಷ್ಟ್ರ ಮಟ್ಟದಲ್ಲೂ ಯಶಸ್ಸು ದೊರೆಯಲಿ.ಒಲಂಪಿಕ್‌ನಲ್ಲಿ ದೇಶ ಪ್ರತಿನಿಧಿಸುವ ಅವನ ಕನಸು ನನಸಾಗಲಿ.
ಪಾರ್ಥ ವಾರಣಾಶಿ
-ತರಬೇತುದಾರರು
