55,63 ಲಕ್ಷ ರೂ. ನಿವ್ವಳ ಲಾಭ, ಶೇ. 16 ಡಿವಿಡೆಂಡ್ ಘೋಷಣೆ
ಪುತ್ತೂರು: ಸಿ.ಪಿ.ಸಿ, ಸಂಕೀರ್ಣದಲ್ಲಿ ಕಾರ್‍ಯನಿರ್ವಹಿಸುತ್ತಿರುವ ಅಶ್ವಿನಿ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘದ 23ನೇ ವರ್ಷದ ಮಹಾಸಭೆಯು ಆ.31ರಂದು ಸಂಸ್ಥೆಯ ಕಚೇರಿಯಲ್ಲಿ ನಡೆಯಿತು.
ಅಶ್ವಿನಿ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷೆ ಕೆ. ಕಸ್ತೂರಿ ಪ್ರಭುರವರು ಅಧ್ಯಕ್ಷತೆ ವಹಿಸಿ ಮಾತನಾಡಿ, ಸಂಸ್ಥೆಯು 2024-25ನೇ ಸಾಲಿನಲ್ಲಿ 11, 24,31,445.20 ರೂ. ಠೇವಣಾತಿ ಹೊಂದಿದ್ದು, 8,91, 72,919.00 ರೂ ಸಾಲ ವಿತರಣೆ ಮಾಡಲಾಗಿದೆ. 55,63,594.73 ರೂ. ನಿವ್ವಳ ಲಾಭ ಬಂದಿರುತ್ತದೆ, ಈ ಬಾರಿ ಸದಸ್ಯರಿಗೆ ಶೇ.16 ಡಿವಿಡೆಂಡ್ ನೀಡಲಾಗುವುದು ಎಂದು ಹೇಳಿದರು. ಅಶ್ವಿನಿ ಕ್ರೆಡಿಟ್ ಸೌಹಾರ್ದ ಸಹಕಾರಿಯು 2002 ನವೆಂಬರ್ 25 ರಂದು ಉದ್ಘಾಟನೆಗೊಂಡಿದ್ದು, 3146 ಮಂದಿ ಸದಸ್ಯರುಗಳು ಇದ್ದು, 83,73,500.00 ರೂ ಪಾಲು ಬಂಡವಾಳ ಇದೆ ಎಂದರು.
ಸಹಕಾರಿಯ ನಿಧಿಗಳು
ವರ್ಷದ ಆರಂಭದಲ್ಲಿ ಸಹಕಾರಿಯ ನಿಧಿಗಳು ರೂ 2,01,56,359,87 ಆಗಿದ್ದು, ವರ್ಷಾಂತ್ಯದಲ್ಲಿ ರೂ 2,28,48,451.87ಕ್ಕೆ ಏರಿರುತ್ತದೆ. ಇದರಲ್ಲಿ ಸಹಕಾರಿ ಕ್ಷೇಮ ನಿಧಿಯು ರೂ 84,65,359.00 ಮತ್ತು ಇತರ ನಿಧಿಗಳು ರೂ 1,43,83,056.00ಆಗಿರುತ್ತದೆ ಎಂದು ಅಧ್ಯಕ್ಷರು ತಿಳಿಸಿದರು.
ಸಂಸ್ಥೆಯ ಉಪಾಧ್ಯಕ್ಷ ಎನ್. ಸುಭಾಷ್ ನಾಯಕ್ , ನಿರ್ದೇಶಕರುಗಳಾದ ಎ. ಮನೋಜ್ ಕುಮಾರ್, ದೀಪಾ ಪ್ರಭು, ಯು.ಬಾಲಕೃಷ್ಣ ನಾಯಕ್, ಪಾಂಡುರಂಗ ಹೆಗ್ಡೆ ಪಿ, ಪುರುಷೋತ್ತಮ ಪ್ರಭು ಎಚ್, ರಾಜರಾಮ್ ಪ್ರಭು, ಯಶವಂತ ನಾಯಕ್, ಶಿವಾನಂದ ನಾಯಕ್, ಶಿವರಾಮ ಪ್ರಭು, ವಸಂತ ಬಿ, ಸುಮಿತ್ರ ಪಿ, ಯತೀಂದ್ರನಾಥ್ ಪಿ, ವಿದ್ಯಾ ನಾಯಕ್ ಉಪಸ್ಥಿತರಿದ್ದರು. ಸದಸ್ಯ ಶ್ರೀನಿವಾಸ್ ಸಾಮಂತ್‌ರವರು ವಿವಿಧ ಸಲಹೆ ಸೂಚನೆಯನ್ನು ನೀಡಿದರು.
ಸಂಸ್ಥೆಯ ಕಾರ್ಯನಿರ್ವಹಣಾಧಿಕಾರಿ ವಿಶಾಲಾಕ್ಷಿ ವರದಿ ವಾಚಿಸಿದರು. ಸಂಸ್ಥೆಯ ಸಿಬ್ಬಂದಿಗಳಾದ ನಳಿನಾಕ್ಷಿ , ದೀಕ್ಷಿತಾ, ಪುಷ್ಪಲತಾ ರವರು ವಿವಿಧ ಕಾರ್‍ಯಕ್ರಮ ನಿರೂಪಿಸಿದರು. ದೀಕ್ಷಿತಾ, ಪುಷ್ಪಲತಾ ಪ್ರಾರ್ಥನೆಗೈದರು. ಸಂಸ್ಥೆಯ ಪಿಗ್ಮಿ ಸಂಗ್ರಾಹಕ ಸತೀಶ್ ಪ್ರಭು ಮಣಿಯ ಸ್ವಾಗತಿಸಿದರು. ನಳಿನಾಕ್ಷಿ ವಂದಿಸಿದರು. ಪಿಗ್ಮಿಸಂಗ್ರಾಹಕ ಶ್ರೀಧರ್ ಸಹಕರಿಸಿದರು. ಸಂಘದ ಸದಸ್ಯರುಗಳು ಭಾಗವಹಿಸಿದರು.
ಗ್ರಾಹಕರ ನಿರಂತರ ಸಹಕಾರದಿಂದ ಅಭಿವೃದ್ಧಿ
ಪುತ್ತೂರಿನ ಸಿಪಿಸಿ ಸಂಕೀರ್ಣದಲ್ಲಿ ನಿರಂತರವಾಗಿ ಗ್ರಾಹಕರಿಗೆ ಉತ್ತಮ ಸೇವೆಯನ್ನು ನೀಡುತ್ತಿರುವ ಅಶ್ವಿನಿ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘವು ಅಭಿವೃದ್ಧಿಯ ಪಥದಲ್ಲಿ ಮುನ್ನಡೆಯುತ್ತಿದೆ. ಸಹಕಾರಿಯ ನಿಯಮಗಳಿಗನುಸಾರವಾಗಿ ಸದಸ್ಯರಿಗೆ ಶೀಘ್ರವಾಗಿ ಸಾಲ ನೀಡಲಾಗುವುದು. ಚಿನ್ನಾಭರಣಗಳನ್ನು ಭದ್ರತೆಯಾಗಿಡಲು ಬೇಕಾದ ಸೇಫ್ ಲಾಕರಿನ ವ್ಯವಸ್ಥೆ ಕೂಡ ಇದೆ
ಕೆ.ಕಸ್ತೂರಿ ಪ್ರಭು, ಅಧ್ಯಕ್ಷರು, ಅಶ್ವಿನಿ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘ ಪುತ್ತೂರು
