ಪುತ್ತೂರು: ರೋಟರಿ ಕ್ಲಬ್ ಉಪ್ಪಿನಂಗಡಿಗೆ ಜಿಲ್ಲಾ ಗವರ್ನರ್ ಮೇಜರ್ ಡೋನರ್ ರಾಮಕೃಷ್ಣ ಪಿ.ಕೆ ಅಧೀಕೃತ ಭೇಟಿ ಕಾರ್ಯಕ್ರಮಗಳು ಡಿ.2ರಂದು ಉಪ್ಪಿನಂಗಡಿ ಚರ್ಚ್‌ಹಾಲ್‌ನಲ್ಲಿ ನಡೆಯಲಿದೆ ಎಂದು ರೋಟರಿ ಕ್ಲಬ್‌ನ ಜಿಲ್ಲಾ ಸಹಾಯಕ ಗವರ್ನರ್ ಡಾ. ರಾಜಾರಾಮ ಕೆ.ಬಿ ತಿಳಿಸಿದರು.
ಪುತ್ತೂರಿನಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬೆಳಿಗ್ಗೆ 11 ಗಂಟೆಗೆ ಆಗಮಿಸಲಿರುವ ಜಿಲ್ಲಾ ಗವರ್ನರ್ ಅವರನ್ನು ನೆಕ್ಕಿಲಾಡಿ ರಾಘವೇಂದ್ರ ಮಠದ ಬಳಿ ಸ್ವಾಗತಿಸಲಾಗುವುದು. ಬಳಿಕ ರೋಟರಿ ಬೆಳಕು ಯೋಜನೆಯ ಉದ್ಘಾಟನೆ, ನೆಕ್ಕಿಲಾಡಿ ಶಾಲೆಯಲ್ಲಿ ವಿವಿಧ ಕೊಡುಗೆಗಳ ಹಸ್ತಾಂತರ, ಮಧ್ಯಾಹ್ನ ಅಧ್ಯಕ್ಷರ ನಿವಾಸದಲ್ಲಿ ಕ್ಲಬ್ ಎಸೆಂಬ್ಲಿ ನಡೆದು ಸಂಜೆ ಚರ್ಚ್‌ಹಾಲ್‌ನಲ್ಲಿ ಅಧಿಕೃತ ಭೇಟಿಯ ಕಾರ್ಯಕ್ರಮ ನಡೆಯಲಿದೆ ಎಂದರು.
ಕಳೆದ 33 ವರ್ಷಗಳಲ್ಲಿ ಸಮಾಜಮುಖಿ ಕೆಲಸ ಮಾಡುತ್ತಿರುವ ರೋಟರಿ ಕ್ಲಬ್ ಈ ವರ್ಷದ ಒಳಿತಿಗಾಗಿ ಎಂದಾಗೋಣ ಎಂಬ ಧ್ಯೇಯ ವಾಕ್ಯದಲ್ಲಿ ಹಲವು ಸಮಾಜಮುಖಿ ಕಾರ್ಯಗಳನ್ನು ನಡೆಸಲಾಗಿದೆ. ತನ್ನದೇ ಆದ ವಿಶಿಷ್ಠ ಕಾರ್ಯಕ್ರಮಗಳ ಮೂಲಕ ಹೆಸರ ಪಡೆದಿರುವ ಉಪ್ಪಿನಂಗಡಿ ಕ್ಲಬ್ ಸದಸ್ಯರ ಹಾಗೂ ಸಮಾಜದ ಒಳಿತಿಗಾಗಿ ಹಲವು ಕಾರ್ಯಕ್ರಮಗಳನ್ನು ಆಯೋಜಿಸಿದೆ. ದೀಪಾವಳಿ, ಆಟಿ, ರಂಜಾನ್, ಈದ್ ಹಾಗೂ ಕ್ರಿಸ್‌ಮಸ್ ಸೇರಿದಂತೆ ಎಲ್ಲಾ ಹಬ್ಬಗಳನ್ನು ಆಚರಿಸುವ ಮೂಲಕ ಸರ್ವ ಧರ್ಮದ ಆಚರಣೆಯ ಮೂಲಕ ಬಾಂಧವ್ಯ ಬೆಸೆಯುವ ಕಾರ್ಯಕ್ರಮ ಕ್ಲಬ್ ಮೂಲಕ ನಡೆಯುತ್ತಿದೆ ಎಂದು ಡಾ.ರಾಜರಾಮ್ ತಿಳಿಸಿದರು.
ಕ್ಲಬ್‌ನ ಅರ್ಧ ವರ್ಷದ ಯೋಜನೆಗಳು:
ಕ್ಲಬ್‌ನ ಮುಖಾಂತರ ನೆಕ್ಕಿಲಾಡಿ ಶಾಲೆಯ ಎಲ್‌ಕೆಜಿ, ಯುಕೆಜಿ ತರಗತಿ ಶಿಕ್ಷಕರಿಗೆ ಗೌರವಧನ, ಆಟಿಕೆ, ಕೊಠಡಿ ನವೀಕರಣ ಸೇರಿದಂತೆ ರೂ.1ಲಕ್ಷಕ್ಕೂ ಮಿಕ್ಕಿದೆ. ವೆಚ್ಚದಲ್ಲಿ ಕೆಲಸ ಮಾಡಲಾಗಿದೆ. ಉಪ್ಪಿನಂಗಡಿ ಕಾಲೇಜಿನ ಸಹಯೋಗದಲ್ಲಿ ಎನ್‌ಎಸ್‌ಎಸ್ ಕ್ಯಾಂಪ್ ನಡೆಸಲಾಗಿದೆ. ಜೊತೆಗೆ ಉಚಿತ ಆರೋಗ್ಯ ತಪಾಸಣಾ ಶಿಬಿರ, ಕಣ್ಣಿನ ಉಚಿತ ತಪಾಸಣೆ ಶಿಬಿರ ನಡೆಸಿ ಉಚಿತ ಕನ್ನಡಕಗಳನ್ನು ವಿತರಿಸಲಾಗಿದೆ. ಪ್ರತಿಭಾನ್ವೇಷನಾ ಕಾರ್ಯಕ್ರಮದ ಅಂಗವಾಗಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ, ಕ್ರೀಡಾಕೂಟಗಳನ್ನು ಆಯೋಜಿಸಲಾಗಿದೆ ಶಾಲೆಯ ಸರ್ವಾಂಗೀಣ ಅಭಿವೃದ್ಧಿಗೆ ಪೂರಕವಾಗಿ ಸೇವೆ ನೀಡಿದೆ. ಅಲ್ಲದೆ ಶಾಲೆಯ ಹುಟ್ಟು ಕಿವುಡನಾಗಿರುವ ವಿದ್ಯಾರ್ಥಿಗೆ ರೂ.60 ಸಾವಿರ ವೆಚ್ಚದಲ್ಲಿ ಶ್ರವಣ ಸಾಧನವನ್ನು ಸದಸ್ಯರು ಹಾಗೂ ದಾನಿಗಳ ದೇಣಿಗೆಯಿಂದ ಒದಗಿಸುವ ಮೂಲಕ ಕುಟುಂಬದಲ್ಲಿ ಮಂದಹಾಸ ಬರುವಂತೆ ಕಾರ್ಯ ನಮ್ಮ ಕ್ಲಬ್ ಮಾಡಿದೆ. ರಕ್ತದಾನ ಶಿಬಿರ ಆಯೋಜಿಸಿ 100 ಅಧಿಕ ಯೂನಿಟ್ ರಕ್ತ ಸಂಗ್ರಹವಾಗಿದೆ. ರೋಟರಿ ಬೆಳಕು ಯೋಜನೆಯಲ್ಲಿ ಹೈಮಾಸ್ಟ್ ದೀಪ ಅಳವಡಿಸಲಾಗಿದೆ. ಜಿಲ್ಲಾ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಉಪ್ಪಿನಂಗಡಿ ಕ್ಲಬ್ ಭಾಗವಹಿಸಿ ಉತ್ತಮ ಪ್ರಹಸನ ನೀಡಿ ವಲಯದಲ್ಲಿ ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟದ ಸಾಂಸ್ಕೃತಿಕ ಸ್ಪರ್ಧೆಗೆ ಆಯ್ಕೆಯಾಗಿದೆ. ಕಂಬಳಕ್ಕೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಸಿದ್ದಕಟ್ಟೆಯಲ್ಲಿ ನಡೆಯುವ ಕಂಬಳದಲ್ಲಿ ಕ್ಲಬ್‌ನ ಮುಖಾಂತರ ಎರಡು ಜೋಡಿ ಕೋಣಗಳು ಕಂಬಳದಲ್ಲಿ ಭಾಗವಹಿಸುವ ಮೂಲಕ ಸಾಂಸ್ಕೃತಿಕ ಕ್ರೀಡೆಗೆ ಮುನ್ನುಡಿ ಬರೆದಿದೆ. ವೈದ್ಯರ ದಿನಾಚರಣೆಯಲ್ಲಿ ಎಲ್ಲಾ ವೈದ್ಯರನ್ನು ಭೇಟಿ ಕೃತಜ್ಞತೆ ಅರ್ಪಿಸಿ ಪ್ರಾಮಾಣಿಕ ಸೇವೆ ನೀಡುವ ವೈದ್ಯರಿಗೆ ಪ್ರೇರಣೆ ನೀಡಲಾಗಿದೆ. ಆಟೋ ಚಾಲಕರಾಗಿ ಪ್ರಾಮಾಣಿಕವಾಗಿ ದುಡಿಯುತ್ತಿರುವ ಮೂರು ಮಂದಿ ಚಾಲಕರಿಗೆ ಸೆಲ್ಯೂಟ್‌ದ ಸೈಲೆಂಟ್ ವರ್ಕರ್ ಗೌರವ ನೀಡಿದೆ. ಪ್ರಾಕೃತಿಕ ವಿಕೋಪದಿಂದ ರಾಮನಗರದಲ್ಲಿ ಹಾನಿಯಾದ ನಾರಾಯಣ ಸಪಲ್ಯ ಎಂಬವರ ಮನೆಯನ್ನು ದುರಸ್ಥಿ ಮಾಡಿಕೊಡಲಾಗುವುದು. ಜೊತೆಗೆ ವಿವಿಧ ಕ್ಷೇತ್ರದ ಸಾಧಕರನ್ನು ಕ್ಲಬ್‌ನ ಮೂಲಕ ಗುರುತಿಸಲಾಗಿದೆ ಎಂದು ರಾಜರಾಮ್ ಕೆ.ಬಿ ತಿಳಿಸಿದರು.
ಉಪ್ಪಿನಂಗಡಿ ರೋಟರಿ ಕ್ಲಬ್‌ನ ಅಧ್ಯಕ್ಷ ಜಾನ್ ಕೆನ್ಯೂಟ್ ಮಸ್ಕರೇನಸ್, ಕಾರ್ಯದರ್ಶಿ ಶ್ರೀಕಾಂತ್ ಪಟೇಲ್, ಕೋಶಾಧಿಕಾರಿ ಅಬ್ದುಲ್ ರಹಿಮಾನ್ ಯೂನಿಕ್ ಹಾಗೂ ನಿಕಟಪೂರ್ವ ಅಧ್ಯಕ್ಷ ನವೀನ್ ಡಯಾಸ್ ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.
