ಪುತ್ತೂರು: ಸಂತ ವಿಕ್ಟರ್ ಬಾಲಿಕಾ ಪ್ರೌಢಶಾಲೆಯಲ್ಲಿ 2025-26ನೇ ಶೈಕ್ಷಣಿಕ ಸಾಲಿನ ನೂತನ ಮಂತ್ರಿಮಂಡಲದ ಉದ್ಘಾಟನೆಯು ಮಾಯಿದೆದೇವುಸ್ ಸಭಾಂಗಣದಲ್ಲಿ ನಡೆಯಿತು.
ಕಾರ್ಯಕ್ರಮದ ಅಧ್ಯಕ್ಷರಾದ ಮತ್ತು ಮಂತ್ರಿಮಂಡಲದ ರಾಜ್ಯಪಾಲರಾದ ಶಾಲಾ ಮುಖ್ಯೋಪಾಧ್ಯಾಯಿನಿಯವರನ್ನು ಹಾಗೂ ನೂತನ ಮಂತ್ರಿಮಂಡಲದ ಮಂತ್ರಿಗಳನ್ನು ವಾದ್ಯಾಗೋಷ್ಠಿಯಲ್ಲಿ ವೇದಿಕೆಗೆ ಬರಮಾಡಿಕೊಳ್ಳಲಾಯಿತು. ವಿದ್ಯಾರ್ಥಿನಿಯರು ಶಾಲಾ ಪ್ರಾರ್ಥನಾ ಗೀತೆಯನ್ನು ಹಾಡಿದರು. ಜ್ಯೋತಿ ಬೆಳಗಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಲಾಯಿತು.
ಪ್ರಜಾಪ್ರಭುತ್ವದ ಮಾದರಿಯಂತೆ ನೂತನ ಮಂತ್ರಿಮಂಡಲದರಚನೆಯನ್ನು ಮಾಡಲಾಯಿತು. ಎಲ್ಲಾ ಮಂತ್ರಿಗಳನ್ನು ಸಭೆಗೆ ಪರಿಚಯಿಸಿದ ಬಳಿಕ, ರಾಜ್ಯಪಾಲರು ಮಂತ್ರಿಗಳಿಗೆ ಪ್ರಮಾಣವಚನ ಬೋಧಿಸಿ ಶುಭ ಹಾರೈಸಿದರು. ಶಾಲಾ ಮುಖ್ಯೋಪಾಧ್ಯಾಯಿನಿ ಮಂತ್ರಿಗಳಿಗೆ ತಮ್ಮ ಜವಾಬ್ದಾರಿಯ ನಾಮಫಲಕವನ್ನು ನೀಡಿ ಆಶೀರ್ವದಿಸಿ ಆಭಿನಂದಿಸಿದರು. ಶಾಲಾ ನಾಯಕಿಯಾಗಿ ಆಯ್ಕೆಯಾದ ವಿದ್ಯಾರ್ಥಿನಿಯರನ್ನು ಉದ್ದೇಶಿಸಿ ಮಾತನಾಡಿದರು.
ಕಾರ್ಯಕ್ರಮದ ಅಧ್ಯಕ್ಷರು ಹಾಗೂ ನೂತನ ಮಂತ್ರಿಮಂಡಲದ ರಾಜ್ಯಪಾಲರಾದ ರೋಸಲಿನ್ ಪ್ಲೇವಿ ಲೋಬೊ ರವರು ಮಂತ್ರಿಮಂಡಲದ ಮಂತ್ರಿಗಳಿಗೆ ಶುಭ ಹಾರೈಸುತ್ತಾ ಮಂತ್ರಿಗಳು ತಮ್ಮ ಜವಾಬ್ದಾರಿಯನ್ನು ಶೃದ್ಧಾ ಪೂರ್ವಕವಾಗಿ ನಿರ್ವಹಿಸಬೇಕು. ಶಾಲೆಯು ಸುಸೂತ್ರವಾಗಿ ನಡೆಯಲು ಮಂತ್ರಿಮಂಡಲದ ಮಂತ್ರಿಗಳ ಜೊತೆ ಶಾಲಾ ಎಲ್ಲಾ ವಿದ್ಯಾರ್ಥಿನಿಯರು ಸಮನಾದ ಜವಬ್ದಾರಿಯನ್ನು ಹೊಂದಿದ್ದಾರೆ. ಮಂತ್ರಿಮಂಡಲದ ಸರ್ವಸದಸ್ಯರು ಇತರರಿಗೆ ಆದರ್ಶರಾಗಬೇಕು. ಕಲಿಕೆಯಲ್ಲಿ ಮಾದರಿಯಾಗಿ ಇತರರಿಗೆ ಪ್ರೇರಣೆಯಾಗಬೇಕು. ಇಂದಿನ ಈ ನಾಯಕತ್ವದ ಅವಕಾಶವು ಮುಂದೆ ನಿಮ್ಮಜೀವನಕ್ಕೆ ಪ್ರೇರಣೆಯಾಗಲಿ ಎಂದು ಶುಭಹಾರೈಸಿದರು.
ಧನ್ಯಶ್ರೀ ಮಂತ್ರಿಮಂಡಲದ ಮಂತ್ರಿಗಳನ್ನು ಪರಿಚಯಿಸಿದರು. ಅಕ್ಷರ ಸ್ವಾಗತಿಸಿ, ಅರಾಧ್ಯಎಸ್ ಆಳ್ವ ವಂದಿಸಿ, ಅಮೃತಕಾಮತ್ ಹಾಗೂ ಪ್ರತ್ಯಕ್ಷ ರವರು ಕಾರ್ಯಕ್ರಮ ನಿರೂಪಿಸಿದರು.
