ಪುತ್ತೂರು: ಕ್ಯಾಂಪ್ಕೋ ಚಾಕಲೇಟು ಕಾರ್ಖಾನೆ ಉದ್ಯೋಗಿಗಳ ರಿಕ್ರಿಯೇಷನ್ ಸೆಂಟರಿನಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿ ಕಾರ್ಯಕ್ರಮದ ಅಂಗವಾಗಿ ಆ.27ರಂದು ಕ್ಯಾಂಪ್ಕೋ ಚಾಕಲೇಟು ಕಾರ್ಖಾನೆ ವಸತಿ ನಿಲಯದ ಸಭಾಂಗಣದಲ್ಲಿ ಕ್ಯಾಂಪ್ಕೋ ಕುಟುಂಬದವರಿಗೆ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಲಾಯಿತು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಮಂಗಳೂರು ಸೈಂಟ್ ಜೋಸೇಪ್ ಇಂಜಿನಿಯರಿಂಗ್ ಕಾಲೇಜಿನ ಸಹಾಯಕ ಪ್ರಾಧ್ಯಾಪಕ ವಿಜಯ್ ವಿ ಎಸ್, ಉರ್ಲಾಂಡಿ ಶಿವಾನುಜ ಶಿಶು ಮಂದಿರದ ದುರ್ಗಾಶ್ರೀ, ಪೆರ್ನೆ ಶ್ರೀರಾಮಚಂದ್ರ ಹೈಸ್ಕೂಲ್‌ನ ಪ್ರಾಧ್ಯಾಪಕಿ ವಿದ್ಯಾ ಜೆ ರಾವ್ ಉಪಸ್ಥಿತರಿದ್ದರು. ವಿನುತಾ ಕುಮಾರಿ ಅತಿಥಿಗಳನ್ನು ಪರಿಚಯಿಸಿದರು. ಮಕ್ಕಳಿಗೆ ಮತ್ತು ಹಿರಿಯರಿಗೆ ವಿವಿಧ ಸ್ಪರ್ಧೆ ಏರ್ಪಡಿಸಲಾಯಿತು. ವೇದಿಕೆಯಲ್ಲಿ ಅನುಪ್ ಕೆ. ಯು(ಎ. ಜಿ. ಎಂ ಪ್ರೊಡಕ್ಷನ್), ರಿಕ್ರಿಯೇಷನ್ ಸೆಂಟರ್‌ನ ಪ್ರಶಾಂತ್ ಭಟ್, ಕಾರ್ಯದರ್ಶಿ ಸತೀಶ್ ಕುಮಾರ್ ಕೆ ಉಪಸ್ಥಿತರಿದ್ದರು. ಹೇಮಲತಾ ಮಹೇಶ್ ವಂದಿಸಿ, ಪವನ್ ಬಿ. ಎನ್ ಕಾರ್ಯಕ್ರಮವನ್ನು ನಿರೂಪಿಸಿದರು.
