ಪುತ್ತೂರು: ಮೇ.29 ರಂದು ಪುತ್ತೂರು ಪೇಟೆಯಲ್ಲಿ ರಿಕ್ಷಾದಲ್ಲಿ ಬಿದ್ದು ಸಿಕ್ಕಿದ ಬೆಲೆಬಾಳುವ ಮೊಬೈಲ್ ಪೋನ್ ಸೆಟ್ ಒಂದನ್ನು ಅದರ ವಾರಿಸುದಾರರಿಗೆ ಹಿಂದಿರುಗಿಸಿ, ರಿಕ್ಷಾ ಚಾಲಕರೊರ್ವರು ಪ್ರಾಮಾಣಿಕತೆ ಮೆರೆದಿದ್ದಾರೆ. ಪುತ್ತೂರು ಸ್ನೇಹಸಂಗಮ ರಿಕ್ಷಾ ಚಾಲಕ-ಮಾಲಕ ಸಂಘದ ಸದಸ್ಯ ಕೆ.ಎಂ.ಸುಲೈಮಾನ್ ಕೋಡಿಂಬಾಡಿರವರ ರಿಕ್ಷಾದಲ್ಲಿ ಪುತ್ತೂರು ಪೇಟೆಯಲ್ಲಿ ಪ್ರಯಾಣಿಸುತ್ತಿದ್ದ ಬುಳೇರಿಕಟ್ಟೆಯ ಕೀರ್ತನ್ ಎಂಬವರ ಮೊಬೈಲ್ ಪೋನ್ ರಿಕ್ಷಾದಲ್ಲಿ ಕಳೆದುಹೋಗಿತ್ತು. ರಿಕ್ಷಾದಲ್ಲಿ ಪತ್ತೆಯಾದ ಮೊಬೈಲ್ ಪೋನ್‌ನ್ನು ಪರಿಶೀಲಿಸಿದ ಕೆ.ಎಂ.ಸುಲೈಮಾನ್ ಕೋಡಿಂಬಾಡಿರವರು ವಾರೀಸುದಾರ ಕೀರ್ತನ್‌ರವರಿಗೆ ಪುತ್ತೂರು ಸುದ್ದಿಬಿಡುಗಡೆ ಪ್ರಧಾನ ಕಚೇರಿಯಲ್ಲಿ ಹಸ್ತಾಂತರ ಮಾಡಿದ್ದಾರೆ.
