ಪುತ್ತೂರು: ಸವಣೂರು ಗ್ರಾಮದ ಪರಣೆ ಅಬ್ಬಜಲಾಯ ಕಟ್ಟೆಯಿಂದ ಅಮೈ ಶಾಲಾ ಮಾರ್ಗವಾಗಿ ಕೂಂಕ್ಯ, ಪಳ್ಳತ್ತಾರಿಗೆ ರಸ್ತೆ ಸೌಲಭ್ಯ ಇದ್ದು, ಈ ರಸ್ತೆ ತೀರ ಹದಗೆಟ್ಟಿದು, ವಾಹನ ಸವಾರರಿಗೆ ತುಂಬಾ ತೊಂದರೆ ಆಗಿದೆ. ಈ ರಸ್ತೆಯನ್ನು ಕೂಡಲೇ ಕಾಂಕ್ರೀಟೀಕರಣ ಮಾಡುವಂತೆ ಒತ್ತಾಯಿಸಿ ಸವಣೂರು ಕುಮಾರಧಾರ ರಿಕ್ಷಾ ಚಾಲಕ -ಮಾಲಕ ಸಂಘದ ಸದಸ್ಯ ಅಪ್ಪಿ ಪೂಜಾರಿ ಮತ್ತು ಅವರ ಬಳಗ ಹಾಗೂ ಸ್ಥಳೀಯರು ಸಂಸದ ನಳಿನ್ ಕುಮಾರ್ ಕಟೀಲ್ ಅವರನ್ನು ಅವರ ಕುಂಜಾಡಿ ನಿವಾಸದಲ್ಲಿ ಭೇಟಿಯಾಗಿ ಮನವಿ ನೀಡಿದರು. ಮನವಿ ಸ್ವೀಕರಿಸಿದ ಸಂಸದರು ಕೂಡಲೇ ಸ್ಪಂದಿಸುವುದಾಗಿ ಹೇಳಿದರು.
