ಪುತ್ತೂರು: ಇತ್ತೀಚಿನ ದಿನಗಳಲ್ಲಿ ಅಣಬೆ ಕೃಷಿ ಜನಪ್ರಿಯತೆ ಪಡೆಯುತ್ತಿದ್ದರೂ ಇತರೆಡೆಗೆ ಹೋಲಿಸಿದರೆ ನಮ್ಮಲ್ಲಿ ಅಣಬೆ ಕೃಷಿಯ ಪ್ರಮಾಣ ತೀರ ಕಡಿಮೆ. ಅಧಿಕ ಲಾಭದ ವಾಣಿಜ್ಯ ಬೆಳೆ ಇದಾಗಿದ್ದರೂ ಮಾಹಿತಿಯ ಕೊರತೆಯಿಂದ ಕೃಷಿಯ ಪ್ರಮಾಣ ಹೆಚ್ಚುತ್ತಿಲ್ಲ. ಒಂದು ರೂಪಾಯಿ ಬಂಡವಾಳಕ್ಕೆ 4 ರೂಪಾಯಿ ಲಾಭ ಬರುವ ಅಣಬೆ ಕೃಷಿಯನ್ನು ಮನೆಮಂದಿಯೇ ಸೇರಿಕೊಂಡು ಮಾಡಬಹುದಾಗಿದೆ.
ಈ ನಿಟ್ಟಿನಲ್ಲಿ ಪುತ್ತೂರಿನ ಸುದ್ದಿ ಕೃಷಿ ಮಾಹಿತಿ ಕೇಂದ್ರವು ಅಣಬೆ ಕೃಷಿ ತರಬೇತಿ ಕಾರ್ಯಕ್ರಮವನ್ನು ಆಯೋಜಿಸಿದ್ದು ಆಸಕ್ತರು ತಮ್ಮ ಹೆಸರನ್ನು 6364570738 ಮತ್ತು 8050293990 ನಂಬರ್‌ ಗೆ ಕರೆ ಮಾಡುವ ಮೂಲಕ ನೊಂದಾಯಿಸಬಹುದಾಗಿದೆ. ಮಾ.30ರ ಶನಿವಾರ ಬೆಳಿಗ್ಗೆ 10 ರಿಂದ 12 ಗಂಟೆಯವರೆಗೆ ನಗರದ ಎಪಿಎಂಸಿ ರಸ್ತೆಯ ಕ್ರಿಸ್ಟೋಪರ್ ಕಾಂಪ್ಲೆಕ್ಸ್‌ ನಲ್ಲಿರುವ ಸುದ್ದಿ ಕೃಷಿ ಮಾಹಿತಿ ಕೇಂದ್ರದಲ್ಲಿ ಈ ತರಬೇತಿ ಕಾರ್ಯಕ್ರಮ ನಡೆಯಲಿದೆ.
