ಅಧ್ಯಕ್ಷ: ಶೀನಪ್ಪ ಎಸ್., ಕಾರ್ಯದರ್ಶಿ: ಮೋಹನ್‌ಕುಮಾರ್, ಕೋಶಾಧಿಕಾರಿ: ಪ್ರಕಾಶ್ ಕೆ.ವೈ
ನೆಲ್ಯಾಡಿ: ಸೀನಿಯರ್ ಛೇಂಬರ್ ಇಂಟರ್‌ನ್ಯಾಷನಲ್ ಇದರ ನೆಲ್ಯಾಡಿ ಲೀಜನ್‌ನ 2024-25ನೇ ಸಾಲಿನ ನೂತನ ಪದಾಧಿಕಾರಿಗಳ ಆಯ್ಕೆಯು ನೆಲ್ಯಾಡಿಯ ಸಂತ ಚಾರ್ಜ್ ವಿದ್ಯಾಸಂಸ್ಥೆಯ ಸಭಾಂಗಣದಲ್ಲಿ ನಡೆಯಿತು.
ನೂತನ ಅಧ್ಯಕ್ಷರಾಗಿ ನಿವೃತ್ತ ಮುಖ್ಯ ಶಿಕ್ಷಕ ಶೀನಪ್ಪ ಎಸ್, ಕಾರ್ಯದರ್ಶಿಯಾಗಿ ಮೋಹನ್ ಕುಮಾರ್ ಡಿ, ಕೋಶಾಧಿಕಾರಿಯಾಗಿ ಬೆಥನಿ ಐಟಿಐನ ಉಪನ್ಯಾಸಕ ಪ್ರಕಾಶ್ ಕೆ.ವೈ ಆಯ್ಕೆಯಾಗಿದ್ದಾರೆ. ಉಳಿದಂತೆ ಉಪಾಧ್ಯಕ್ಷರಾಗಿ ಉಲ್ಲಾಹನ್ ಪಿ.ಎಂ, ಜಯಾನಂದ ಬಂಟ್ರಿಯಾಲ್, ಗಣೇಶ್ ಕೆ ರಶ್ಮಿ, ಜೊತೆ ಕಾರ್ಯದರ್ಶಿಯಾಗಿ ಚಂದ್ರಶೇಖರ ಬಾಣಜಾಲು, ನಿರ್ದೇಶಕರಾಗಿ ರವೀಂದ್ರ ಟಿ, ವಿ.ಆರ್ ಹೆಗಡೆ, ಪ್ರಶಾಂತ್ ಸಿ.ಎಚ್, ಪುರಂದರ ಗೌಡ ಡಿ, ಜಯಂತಿ ಬಿ.ಎಂ, ವಿಶ್ವನಾಥ ಶೆಟ್ಟಿ ಕೆ, ರವಿಚಂದ್ರ ಎಚ್ ಅವರನ್ನು ಆಯ್ಕೆ ಮಾಡಲಾಯಿತು.2023-24ನೇ ಸಾಲಿನ ಅಧ್ಯಕ್ಷ ನಾರಾಯಣ ಎನ್.ಬಲ್ಯ ಅಧ್ಯಕ್ಷತೆ ವಹಿಸಿದ್ದರು. ಸ್ಥಾಪಕ ಅಧ್ಯಕ್ಷ ಅಬ್ರಹಾಂ ವರ್ಗೀಸ್ ಹಾಗೂ ಪೂರ್ವ ಅಧ್ಯಕ್ಷರಾದ ಡಾ.ಸದಾನಂದ ಕುಂದರ್, ವೆಂಕಟರಮಣ ಆರ್ ಅವರು ಸಲಹೆ ಸೂಚನೆ ನೀಡಿದರು.
