ಅಂಕತಡ್ಕದಲ್ಲಿ ಆರಾಧ್ಯ ವಾಣಿಜ್ಯ ಸಂಕೀರ್ಣ ಶುಭಾರಂಭ

ಸವಣೂರು: ಪಾಲ್ತಾಡಿ ಗ್ರಾಮದ ಅಂಕತಡ್ಕ ಸಿ.ಎ.ಬ್ಯಾಂಕ್  ಎದುರು ಆರಾಧ್ಯ ವಾಣಿಜ್ಯ ಸಂಕೀರ್ಣ ಅ.24ರಂದು ಶುಭಾರಂಭಗೊಂಡಿದೆ.

ಪದ್ಮನಾಭ ಶೆಟ್ಟಿ ಚೆನ್ನಾವರ ಗುತ್ತಿನಮನೆ ಅವರು ದೀಪ ಪ್ರಜ್ವಲನೆ ಮಾಡುವ ಮೂಲಕ ವಾಣಿಜ್ಯ ಸಂಕೀರ್ಣವನ್ನು ಉದ್ಘಾಟಿಸಿದರು. ಸವಣೂರು ಗ್ರಾ.ಪಂ.ಅಧ್ಯಕ್ಷೆ  ಸುಂದರಿ ಬಿ.ಎಸ್.ಅವರು ಅಧ್ಯಕ್ಷತೆ ವಹಿಸಿದ್ದರು. ಸಾಮಾಜಿಕ ಕಾರ್ಯಕರ್ತರಾದ ರಾಕೇಶ್ ರೈ ಕೆಡೆಂಜಿ ಮಾತನಾಡಿ, ಗ್ರಾಮೀಣ ಭಾಗದಲ್ಲಿ ವಾಣಿಜ್ಯ ಸಂಕೀರ್ಣ ನಿರ್ಮಾಣ ಮಾಡುವ ಮೂಲಕ ಬಾಲಕೃಷ್ಣ ರೈ ಮತ್ತು ಮನೆಯವರು ಗ್ರಾಮಾಭಿವೃದ್ದಿಗೆ ದೊಡ್ಡ ಕೊಡುಗೆ ನೀಡಿದ್ದಾರೆ. ಈ ವಾಣಿಜ್ಯ ಸಂಕೀರ್ಣದಲ್ಲಿ ಗ್ರಾಮೀಣ ಭಾಗದ ಯುವಕರು ಹೊಸ ಉದ್ಯಮ ಆರಂಭಿಸಿ ಯಶಸ್ವಿಯಾಗಲಿ ಎಂದು ಶುಭ ಹಾರೈಸಿದರು.

ಸಹಕಾರಿ ಧುರೀಣ ಬಿ.ದಯಾಕರ ಆಳ್ವ ಕುಂಬ್ರ ಮಾತನಾಡಿ, ರಾಜ ರಸ್ತೆಯ ಸನಿಹದಲ್ಲೇ ವಾಣಿಜ್ಯ ಸಂಕೀರ್ಣ ನಿರ್ಮಾಣ ಮಾಡುವ  ಮೂಲಕ ಹೊಸ ಉದ್ಯಮ ಆರಂಭಕ್ಕೆ ಪೂರಕವಾಗಿದೆ ಎಂದರು. ಸಾಮಾಜಿಕ ಮುಂದಾಳು ಪ್ರಸನ್ನ ಕುಮಾರ್ ಮಾರ್ತ ಮಾತನಾಡಿ, ಸಮಾಜಮುಖಿ ಚಿಂತನೆಯ ಯುವಕರ ಪ್ರೇರಣೆಯಂತೆ ಅಭಿಷೇಕ್ ರೈ ಅವರು ತಂದೆ ಬಾಲಕೃಷ್ಣ ರೈ ಅವರೊಂದಿಗೆ ಸೇರಿ ವಾಣಿಜ್ಯ ಸಂಕೀರ್ಣ ನಿರ್ಮಿಸಿ ಸಮಾಜಕ್ಕೆ ಕೊಡುಗೆಯಾಗಿ ನೀಡಿದ್ದಾರೆ ಎಂದರು. ಪೆರುವಾಜೆ ಗ್ರಾ.ಪಂ.ಅಧ್ಯಕ್ಷ ಜಗನ್ನಾಥ ಪೂಜಾರಿ ಮುಕ್ಕೂರು ಮಾತನಾಡಿ, ಗ್ರಾಮಾಂತರ ಪ್ರದೇಶದಲ್ಲಿ ಉತ್ತಮವಾದ ವಾಣಿಜ್ಯ ಸಂಕೀರ್ಣ ನಿರ್ಮಾಗೊಂಡಿದೆ. ಇದರ ಸದುಪಯೋಗಪಡಿಸಿಕೊಂಡು ಈ ಭಾಗದ ಜನರು ಉದ್ಯಮಿಗಳಾಗಿ ರೂಪುಗೊಳ್ಳಲಿ ಎಂದರು.

ಉದ್ಯಮಿ ಸುಬ್ರಾಯ ಗೌಡ ಮಾತನಾಡಿ, ಆರಾಧ್ಯ ವಾಣಿಜ್ಯ ಸಂಕೀರ್ಣದಲ್ಲಿ ಎಲ್ಲಾ ವ್ಯವಹಾರಗಳು ಪ್ರಗತಿಯಾಗಿ  ಶೀಘ್ರದಲ್ಲಿ ಬಹುಮಹಡಿ ಕಟ್ಟಡಗಳು ನಿರ್ಮಾಣವಾಗಲಿ ಎಂದರು. ಸವಣೂರು ಗ್ರಾ.ಪಂ.ಮಾಜಿ ಅಧ್ಯಕ್ಷೆ ಇಂದಿರಾ ಬಿ.ಕೆ. ಮಾತನಾಡಿ, ಹಳ್ಳಿಗಳ ಅಭಿವೃದ್ಧಿಯಾಗಬೇಕಾದರೆ ಗ್ರಾಮೀಣ ಭಾಗದಲ್ಲಿ ಇಂತಹ ವಾಣಿಜ್ಯ ಸಂಕೀರ್ಣಗಳು ಪೂರಕವಾಗಿದೆ.ಉದ್ಯಮ ಯಶಸ್ವಿಯಾಗಲಿ ಎಂದರು.ಕೆಯ್ಯೂರು ಗ್ರಾ.ಪಂ.ಅಧ್ಯಕ್ಷ ಶರತ್ ಕುಮಾರ್ ಮಾಡಾವು,  ಕೆಯ್ಯೂರು ಗ್ರಾ.ಪಂ.ಸದಸ್ಯೆ ಮೀನಾಕ್ಷಿ ವಿ.ರೈ , ಚೆನ್ನಾವರ ಶಾಲೆಯ ಅಭಿವೃದ್ಧಿ ಸಮಿತಿ ಮಾಜಿ ಅಧ್ಯಕ್ಷ ಸಿ.ಪಿ.ಸುಲೈಮಾನ್ ,ಆರಾಧ್ಯ ವಾಣಿಜ್ಯ ಸಂಕೀರ್ಣದ  ಮಾಲಕರಾದ ಬಾಲಕೃಷ್ಣ ರೈ ಚೆನ್ನಾವರ ಉಪಸ್ಥಿತರಿದ್ದರು.

ಆರಾಧ್ಯ ವಾಣಿಜ್ಯ ಸಂಕೀರ್ಣದ ಪಾಲುದಾರ ಅಭಿಷೇಕ್ ರೈ ಚೆನ್ನಾವರ ಸ್ವಾಗತಿಸಿದರು. ಅನ್ವಿತಾ ರೈ ಪ್ರಾರ್ಥಿಸಿದರು. ಪ್ರವೀಣ್ ಚೆನ್ನಾವರ ವಂದಿಸಿದರು. ಮಣಿಕ್ಕರ ಸರಕಾರಿ ಪ್ರೌಢಶಾಲಾ ದೈಹಿಕ ಶಿಕ್ಷಣ ಶಿಕ್ಷಕ ಕರುಣಾಕರ ಮಣಿಯಾಣಿ ಕಾರ್ಯಕ್ರಮ ನಿರೂಪಿಸಿದರು.

ಕಾರ್ಯಕ್ರಮದಲ್ಲಿ ಸುಧಾಕರ ರೈ ಕುಂಬ್ರ ತರವಾಡು,ಶಾಲಿನಿ ಮುತ್ತಪ್ಪ ರೈ ವಿರಾಜಪೇಟೆ, ಸದಾಶಿವ ರೈ ಸರ್ವತ್ತೋಡಿ ನಡುಬೈಲು, ಶಶಿಧರ್ ಶೆಟ್ಟಿ ಸುಳ್ಯ ಪಡ್ಪು, ಅಶ್ವಿತಾ ದೀಪಕ್ ಶೆಟ್ಟಿ ವಿರಾಜಪೇಟೆ,ಅನುಷಾ ರೈ , ಲೀಲಾ  ಬಿ.ರೈ , ಚಿನ್ಮಯ ರೈ ಈಶ್ವರಮಂಗಲ ,ಸವಣೂರು ಗ್ರಾ.ಪಂ.ಸದಸ್ಯರಾದ ಸತೀಶ್ ಅಂಗಡಿಮೂಲೆ, ತಾರಾನಾಥ ಬೊಳಿಯಾಲ, ಹರಿಕಲಾ ರೈ ,ಕೊಳ್ತಿಗೆ ಸಿ.ಎ.ಬ್ಯಾಂಕ್ ನಿರ್ದೇಶಕ ಶ್ರೀಧರ ಗೌಡ ಅಂಗಡಿಹಿತ್ಲು ,ಕೊಳ್ತಿಗೆ ಗ್ರಾಮ ಪಂಚಾಯತ್ ಮಾಜಿ ಸದಸ್ಯ ಸುನಿಲ್ ರೈ ಪಾಲ್ತಾಡು,ಮನೋಜ್ ರೈ ಮಾಡಾವು, ನಾಗರಾಜ ಶೆಟ್ಟಿ ಮಾಡಾವು ,ಪ್ರಜ್ವಲ್ ರೈ ಸೇರಿದಂತೆ  ಮೊದಲಾದವರಿದ್ದರು.