ಕುಡಿಯುವ ನೀರಿನ ಫಲಾನುಭವಿಗಳ ಸಭೆ ನಡೆಸಿ ಬಿಲ್ ಪಾವತಿಸುವಂತೆ ಮನವರಿಕೆ ಮಾಡಲು ನಿರ್ಣಯ
ನಿಡ್ಪಳ್ಳಿ; ಬೆಟ್ಟಂಪಾಡಿ ಗ್ರಾಮ ಪಂಚಾಯತ್ ಸಾಮಾನ್ಯ ಸಭೆ ಅಧ್ಯಕ್ಷೆ ವಿದ್ಯಾಶ್ರೀ ಅಧ್ಯಕ್ಷತೆಯಲ್ಲಿ ನ.12 ರಂದು ನಡೆಯಿತು. ಕುಡಿಯುವ ನೀರಿನ ಬಿಲ್ ಪಾವತಿಸದೆ ಇರುವ ಫಲಾನುಭವಿಗಳಿಗೆ ಬಿಲ್ಲು ಪಾವತಿಸುವಂತೆ ಮನವರಿಕೆ ಮಾಡಲು ಪ್ರತಿ ವಾರ್ಡ್ ಗಳ ಸಭೆಯನ್ನು ನಡೆಸಿ ಅವರಿಗೆ ಮನವರಿಕೆ ಮಾಡಲು ಕ್ರಮ ಕೈಗೊಳ್ಳಲು ಸಭೆಯಲ್ಲಿ ಚರ್ಚಿಸಲಾಯಿತು. ಅಲ್ಲದೇ ಬಿಲ್ ಪಾವತಿಸದವರ ಮನೆ ಮನೆ ಭೇಟಿ ನೀಡಿ ಬಿಲ್ ಪಾವತಿಸಲು ಅವರನ್ನು ಮನವೊಲಿಸಲು ಪ್ರಯತ್ನಿಸುವ ಬಗ್ಗೆ ನಿರ್ಣಯಿಸಲಾಯಿತು.
ಉಪಾಧ್ಯಕ್ಷ ಮಹೇಶ್.ಕೆ, ಸದಸ್ಯರಾದ ಚಂದ್ರಶೇಖರ ರೈ, ಸುಮಲತಾ, ನವೀನ್ ರೈ, ಮೊಯಿದು ಕುಂಞ, ಮಹಾಲಿಂಗ ನಾಯ್ಕ, ಲಲಿತ ಚಿದಾನಂದ, ರಮ್ಯ, , ಗೋಪಾಲ, ಗಂಗಾಧರ ಗೌಡ, ಬೇಬಿ ಜಯರಾಮ, ಲಲಿತ, ಪವಿತ್ರ. ಡಿ, ಪಾರ್ವತಿ. ಎಂ, ಉಮಾವತಿ, ಪ್ರಕಾಶ್ ರೈ, ಪಿಡಿಒ ಸೌಮ್ಯ, ಕಾರ್ಯದರ್ಶಿ ಬಾಬು ನಾಯ್ಕ ಉಪಸ್ಥಿತರಿದ್ದರು.
