ನಿಡ್ಪಳ್ಳಿ; ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ, ಸ್ವಚ್ಚ ಭಾರತ್ ಮಿಷನ್ ಗ್ರಾಮೀಣ ಜಿಲ್ಲಾ ನೆರವು ಘಟಕ, ದ.ಕ.ಜಿಲ್ಲಾ ಪಂಚಾಯತ್ ಮಂಗಳೂರು, ತಾಲೂಕು ಪಂಚಾಯತ್ ಪುತ್ತೂರು, ಗ್ರಾಮ ಪಂಚಾಯತ್ ನಿಡ್ಪಳ್ಳಿ ಹಾಗೂ ವಿವಿಧ ಸಂಘ ಸಂಸ್ಥೆಗಳ ನೇತೃತ್ವದಲ್ಲಿ ಸ್ವಚ್ಚ ನಿಡ್ಪಳ್ಳಿ ಬೃಹತ್ ಸ್ವಚ್ಚತಾ ಶ್ರಮದಾನ ಕಾರ್ಯಕ್ರಮ ತಂಬುತ್ತಡ್ಕ ಪರಿಸರದಲ್ಲಿ ಜ.26 ರಂದು ನಡೆಯಿತು.
ರಸ್ತೆ ಬದಿ ಮತ್ತು ಪರಿಸರ ಸುತ್ತ ಮುತ್ತ ಇದ್ದ ಪ್ಲಾಸ್ಟಿಕ್ ಮತ್ತು ಇತರ ಕಸ ತ್ಯಾಜ್ಯವನ್ನು ಸ್ವಚ್ಚಗೊಳಿಸಲಾಯಿತು.ಗ್ರಾಮ ಪಂಚಾಯತ್ ಅಧ್ಯಕ್ಷ ವೆಂಕಟ್ರಮಣ ಬೋರ್ಕರ್, ಸದಸ್ಯೆ ಗೀತಾ.ಡಿ,ಪಂಚಾಯತ್ ಸಿಬ್ಬಂದಿ ಸಂಶೀನಾ, ಗ್ರಂಥಪಾಲಕಿ ಪವಿತ್ರ.ಜಿ, ಆಶಾ ಕಾರ್ಯಕರ್ತೆಯರಾದ ಗೀತಾ,ಪವಿತ್ರಾ, ಕೃಷಿ ಸಖಿ ಹೇಮಾವತಿ, ಸಂಜೀವಿನಿ ಒಕ್ಕೂಟದ ಭವ್ಯ ,ಸಂತೋಷ ಕುಮಾರ್.ಬಿ ಹಾಗೂ ಸ್ವಚ್ಚತಾ ಸಿಬ್ಬಂದಿಗಳು ಮತ್ತೀತರರು ಪಾಲ್ಗೊಂಡರು.
