ಬೆಟ್ಟಂಪಾಡಿ: ಯಕ್ಷಗಾನ ಬಯಲಾಟ ಸೇವಾ ಸಮಿತಿ ಬೆಟ್ಟಂಪಾಡಿ ಇದರ ವತಿಯಿಂದ ಹತ್ತು ಸಮಸ್ತರ ಬಾಬ್ತು ಮಾ.1ರಂದು ಬೆಟ್ಟಂಪಾಡಿ ಬಿಲ್ವಗಿರಿಯಲ್ಲಿ ನಡೆಯಲಿರುವ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದಶಾವತಾರ ಯಕ್ಷಗಾನ ಮಂಡಳಿಯವರ ʻಯಶೋಮತಿ ಏಕಾವಳಿʼ ಪೌರಾಣಿಕ ಕಥಾಪ್ರಸಂಗದ ಯಕ್ಷಗಾನ ಬಯಲಾಟದ ಆಮಂತ್ರಣ ಪತ್ರವನ್ನು ಜ.25 ರಂದು ಬೆಟ್ಟಂಪಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಬಿಡುಗಡೆಗೊಳಿಸಲಾಯಿತು.
ದೇವಳದ ಅರ್ಚಕ ನಾರಾಯಣ ಭಟ್‌ ಕಾನುಮೂಲೆ ಪ್ರಾರ್ಥಿಸಿದರು. ದೇವಳದ ಅನುವಂಶಿಕ ಆಡಳಿತ ಮೊಕ್ತೇಸರ ವಿನೋದ್‌ ಕುಮಾರ್‌ ಬಲ್ಲಾಳ್‌, ಯಕ್ಷಗಾನ ಬಯಲಾಟ ಸೇವಾ ಸಮಿತಿ ಅಧ್ಯಕ್ಷ ಡಾ. ಶ್ರೀಕೃಷ್ಣ ಭಟ್‌, ಕಾರ್ಯದರ್ಶಿ ಅರುಣ್‌ ಪ್ರಕಾಶ್‌ ರೈ ಮದಕ, ಪದಾಧಿಕಾರಿಗಳಾದ ರಮೇಶ್‌ ಗೌಡ ಬಳ್ಳಿತ್ತಡ್ಡ, ಉಮೇಶ್‌ ಬಲ್ಲಾಳ್‌ ಮತ್ತಿತರರು ಉಪಸ್ಥಿತರಿದ್ದರು.
