ಪುತ್ತೂರು: ಪುತ್ತೂರು ಹಾಗೂ ಕರಾವಳಿ ಭಾಗದ ಮಹಿಳೆಯರ ಆಭರಣ ಸಂಪ್ರದಾಯದಲ್ಲಿ ವಿಶೇಷ ಸ್ಥಾನ ಪಡೆದಿರುವ ಕರಿಮಣಿ ಸರಗಳಲ್ಲಿ ಹೊಸತನ, ವೈವಿಧ್ಯತೆ ಹಾಗೂ ಇತ್ತೀಚಿನ ವಿನ್ಯಾಸಗಳನ್ನು ಪರಿಚಯಿಸುವ ಉದ್ದೇಶದಿಂದ ಡಿ. ಶಿವ ಭಟ್ ಜ್ಯುವೆಲ್ಲರ್ಸ್‌ನ ಮಾಲಕ ಈಶ್ವರ ಮುರಳಿ ಅವರು ಮುಂಬೈನಲ್ಲಿ ನಡೆದ ಪ್ರತಿಷ್ಠಿತ IIJS Bharat Premiere 2026 ಅಂತರರಾಷ್ಟ್ರೀಯ ಜ್ಯುವೆಲ್ಲರಿ ಪ್ರದರ್ಶನದಲ್ಲಿ ಭಾಗವಹಿಸಿದರು.
ಪ್ರದರ್ಶನದಲ್ಲಿ ದೇಶದ ಪ್ರಮುಖ ಆಭರಣ ತಯಾರಕರು ಹಾಗೂ ವಿನ್ಯಾಸಕಾರರು ಪರಿಚಯಿಸಿದ ಹೊಸ ಮಾದರಿಯ ಕರಿಮಣಿ ಸರಗಳು, ಸಾಂಪ್ರದಾಯಿಕ ಮತ್ತು ಆಧುನಿಕ ಮಂಗಳಸೂತ್ರ ವಿನ್ಯಾಸಗಳು, ವಿಭಿನ್ನ ಪೆಂಡೆಂಟ್ ಮಾದರಿಗಳು, ವಧುವಿನ ಆಭರಣಗಳು ಹಾಗೂ ಇತ್ತೀಚಿನ ಚಿನ್ನಾಭರಣ ಟ್ರೆಂಡ್‌ಗಳನ್ನು ಅವರು ವಿಶೇಷವಾಗಿ ಅವಲೋಕಿಸಿದರು.
ಕರಾವಳಿ ಕರ್ನಾಟಕದ ಸಾಂಪ್ರದಾಯಿಕ ಕರಿಮಣಿ ಶೈಲಿಯ ವೈಶಿಷ್ಟ್ಯವನ್ನು ಉಳಿಸಿಕೊಂಡು, ಅದಕ್ಕೆ ಆಧುನಿಕ ವಿನ್ಯಾಸದ ಸ್ಪರ್ಶ ನೀಡುವ ಹಾಗೂ ವಿಭಿನ್ನ ವಯೋಮಾನದ ಮಹಿಳೆಯರ ಅಭಿರುಚಿಗೆ ತಕ್ಕಂತೆ ಹೆಚ್ಚಿನ ವಿನ್ಯಾಸ ಮತ್ತು ವೈವಿಧ್ಯಮಯ ಆಯ್ಕೆಗಳನ್ನು ಪುತ್ತೂರಿನಲ್ಲಿಯೇ ಒದಗಿಸುವುದು ಈ ಭೇಟಿಯ ಪ್ರಮುಖ ಉದ್ದೇಶವಾಗಿದೆ. ಇದರೊಂದಿಗೆ ನೆಕ್ಲೆಸ್, ಚೈನ್, ಬಳೆ, ಉಂಗುರ, ಬ್ರೈಡಲ್ ಜ್ಯುವೆಲ್ಲರಿ ಸೇರಿದಂತೆ ಚಿನ್ನಾಭರಣ ಕ್ಷೇತ್ರದ ಇತ್ತೀಚಿನ ವಿನ್ಯಾಸಗಳನ್ನೂ ಪರಿಶೀಲಿಸಲಾಗಿದ್ದು, ಮುಂಬೈನ ಪ್ರಮುಖ ಜ್ಯುವೆಲ್ಲರಿ ಟ್ರೆಂಡ್‌ಗಳು ಮತ್ತು ಆಯ್ದ ವಿಶೇಷ ವಿನ್ಯಾಸಗಳನ್ನು ಪುತ್ತೂರಿನ ಗ್ರಾಹಕರಿಗೆ ಪರಿಚಯಿಸುವ ನಿಟ್ಟಿನಲ್ಲಿ ಹೊಸ ಸಂಗ್ರಹಗಳನ್ನು ತರಲು ಡಿ. ಶಿವ ಭಟ್ ಜ್ಯುವೆಲ್ಲರ್ಸ್ ಮುಂದಾಗಿದೆ. ಪಾರಂಪರಿಕ ಕರಿಮಣಿ ಸರಗಳ ವೈವಿಧ್ಯಮಯ ಸಂಗ್ರಹದೊಂದಿಗೆ ಹೊಸ ತಲೆಮಾರಿನ ವಿನ್ಯಾಸಗಳನ್ನೂ ಪರಿಚಯಿಸುವ ಮೂಲಕ “ಪುತ್ತೂರಿನ ಕರಿಮಣಿ ಸ್ಪೆಷಲಿಸ್ಟ್” ಎಂಬ ವಿಶೇಷತೆಯನ್ನು ಮತ್ತಷ್ಟು ಬಲಪಡಿಸುವ ನಿಟ್ಟಿನಲ್ಲಿ ಡಿ. ಶಿವ ಭಟ್ ಜ್ಯುವೆಲ್ಲರ್ಸ್ ಕಾರ್ಯೋನ್ಮುಖವಾಗಿದೆ.
